Қараой: новости

Қазақстанда бастауыш сынып оқушыларының «Цифрлық сауаттылық», «Еңбекке баулу», «Бейнелеу өнері», «Музыка» және «Дене шынықтыру» пәндері бойынша оқу нәтижелері де бағаланатын болады, деп хабарлайды Arnapress.kz Оқу ағарту министрлігіне сілтеме жасап.ҚР Оқу-ағарту министрлігінің мәліметінше, аталған пәндер бойынша формативтік бағалау жүргізіліп, аралық бағалау тоқсанына бір рет өткізіледі.Министрліктің бірінші вице-министрі Шынар Ақпарова бұл өзгерістің мақсаты — барлық пән бойынша оқу бағдарламасында белгіленген нәтижелердің көрініс табуын қамтамасыз ету екенін атап өтті.Бағалау қосымша жазбаша бақылау жұмыстарын көбейтпейді.

Абай облысында Ресей Федерациясынан әкелінген карантиндік ағаш материалының еліміз аумағына өткізілуіне жол берілмеді, деп хабарлайды Arnapress.kz Ауыл шаруашылығы минстрлігіне сілтеме жасап.Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Абай облысы бойынша аумақтық инспекциясы инспекторлары жүргізген карантиндік фитосанитариялық бақылау барысында қауіпті карантиндік зиянкес анықталды.Қайталама тексеру кезінде Ресей Федерациясынан Семей қаласына жеткізілген көлемі 58,2 текше метр қылқан жапырақты дөңгелек ағаш материалынан (қарағай) қарағайдың қара мұртты қоңызының (Monochamus galloprovincialis) дернәсілдері табылды.

5 тамыз күні Абай облысына қарасты Архат ауылдық округінде ауа райы күрт бұзылып, шамамен жарты сағат бойы ірі бұршақ жауды, деп хабарлайды Arnapress.kz Ерекше табиғи құбылысты көрген тұрғындар оның фото және бейнежазбаларын редакцияға жолдады.Ауыл тұрғындарының айтуынша, түске қарай басталған жаңбыр кейін бұршаққа ұласқан.

Қазақстанда бейнебақылау жүйелеріне қойылатын талаптарды айқындайтын алғашқы ұлттық стандарт қабылданды, деп хабарлайды Arnapress.kz Сауда және интеграция министрлігі Техникалық реттеу және метрология комитетіне сілтеме жасап. Комитет төрағасының 2026 жылғы 17 шілдедегі бұйрығымен бекітілген СТ РК 4031-2026 «Бейнебақылау жүйелері.

2026 жылғы 1 тамыз бен 30 қыркүйек аралығында Жалпыға міндетті білім беру қоры аясында әлеуметтік осал санаттағы балаларға мектеп формасын, аяқ киім мен оқу құралдарын сатып алуға қаржылай көмек көрсетіледі, деп хабарлайды Arnapress.kz Оқу-ағарту министрлігіне сілтеме жасаОқу-ағарту министрлігінің мәліметінше, жаңа 2026–2027 оқу жылы қарсаңында 450 мыңға жуық балаға қолдау көрсету жоспарланып отыр.

Семейде Қарағайлы ықшам ауданында екі баланың терезеден құлау оқиғасы тіркелді, деп хабарлайды Arnapress.kzОсы оқиғаға байланысты мән-жайды білу үшін Абай облысы Төтенше жағдайлар департаментіне хабарластық.Ведомство ұсынған мәліметке сәйкес, 23 шілде күні Семей қаласында балалардың терезеден құлауына қатысты екі қайғылы оқиға тіркелгенін растады.Бірінші жағдайда, Қарағайлы шағын ауданындағы 9 қабатты тұрғын үйдің 6-шы қабатындағы пәтер терезесінен 2024 жылы туған сәби ересектердің қарауынсыз қалып, құлап кеткен. Өкінішке қарай, алған ауыр жарақаттарынан сәби оқиға орнында көз жұмды.Оқиға орнына Абай облысы Төтенше жағдайлар департаментінің 1 қызметкері мен 1 техникасы жұмылдырылды.Сол күні Қарағайлы шағын ауданында тағы бір осындай оқиға болды. Үш жасар бала ересектердің қарауынсыз қалып, 9 қабатты тұрғын үйдің 2-ші қабатындағы пәтердің терезесінен құлаған.Оқиға салдарынан түрлі дене жарақатын алған бала аурухананың травматология бөліміне жеткізілді.

Енді Қазақстанда медицина мамандарын даярлау өңірлердің нақты сұранысына қарай жоспарланады, деп хабарлайды Arnapress.kz Ашық НҚА порталына сілтеме жасап. Денсаулық сақтау министрлігі әзірлеген жаңа қағидалар жобасына сәйкес, медициналық жоғары оқу орындарына бөлінетін гранттар мен студенттер саны әр аймақтағы дәрігерлер мен медицина қызметкерлеріне деген қажеттілік негізінде айқындалады.Жоспарлау барысында халық саны, сырқаттану деңгейі, медицина мамандарымен қамтамасыз етілуі және өңірдегі ауруханалар мен емханалардың даму көрсеткіштері ескеріледі.Министрлік бұл өзгеріс кадр тапшылығын азайтып, денсаулық сақтау жүйесін қажетті мамандармен тиімді қамтамасыз етуге және медициналық көмектің сапасын арттыруға мүмкіндік беретінін атап өтті.

Жаз мезгілі басталысымен Алакөлге ағылатын демалушылар саны арта түседі. Қазақстандағы ең танымал демалыс орындарының бірі саналатын көлдің емдік қасиеті көпшілікке белгілі. Биыл Алакөлге Семейден Arnapress.kz тілшісі де барып қайтып, демалыс аймағындағы оң және теріс тұстарды өз көзімен көрді.Алдымен жол мәселесіне тоқталсақ.

Қазақстан құрамасы семсерлесуден Азия чемпионатын соңғы жылдардағы ең үздік нәтижелерінің бірімен аяқтап, бес сайыс түрінен екі алтын және үш қола медаль жеңіп алды. Бұл туралы Sportinfo.kz ақпарат агенттігі Қазақстан семсерлесу федерациясының баспасөз қызметіне сілтеме жасап хабарлайды. Турнирдің басты қорытындысы тек бес жүлдемен шектелмейді. Қазақстан құрамасы тарихта алғаш рет ерлер және әйелдер арасындағы жалпыкомандалық есепте бірдей үшінші орынға ие болды.

Бокстан Қытайдың Гуйян қаласында өтіп жатқан Әлем кубогының екінші кезеңінің нағыз шешуші бәсекелері басталады. 44 елден 300 спортшы қатысуға ниет білдіргендердің арасынан 1/4 финалға 29 ел ары қарай жарысты жалғастырады. Бұл туралы Sportinfo.kz ақпарат агенттігі Спортты дамыту дирекциясының баспасөз қызметіне сілтеме жасап хабарлайды.

Абай облысы Полиция департаменті терек мамығын қасақана өртеу өрт қауіпсіздігі талаптары мен қоғамдық тәртіпті бұзу болып саналатынын ескертеді, деп хабарлайды Arnapress.kz департаменке сілтеме жасап. Жағдайдың мән-жайы мен салдарына қарай кінәлі тұлғалар келесі баптар бойынша жауапкершілікке тартылуы мүмкін:Қазақстан Республикасының Әкімшілік құқық бұзушылық туралы кодексінің 410-бабы бойынша — өрт қауіпсіздігі талаптарын бұзғаны немесе орындамағаны үшін;ҚР ӘҚБтК-нің 434-бабы бойынша — қоғамдық тәртіпті бұзатын ұсақ бұзақылық әрекеттері үшін;кәмелетке толмағандардың заңды өкілдері ҚР ӘҚБтК-нің 127-бабы бойынша балаларды тәрбиелеу және олардың қауіпсіздігін қамтамасыз ету жөніндегі міндеттерін тиісінше орындамағаны үшін жауапкершілікке тартылуы мүмкін.Егер терек мамығын өртеу салдарынан материалдық шығын келтірілсе немесе ірі өрт орын алса, қылмыстық жауапкершілік те көзделген.Полиция ата-аналарды балалармен профилактикалық әңгіме жүргізуге, ал азаматтарды терек мамығын өртеу немесе өрт фактілері туралы дереу «102» арнасына хабарлауға шақырады.Фото: ЖИ

Шымкенттік ең кішкентай барабаншысы 7 жасар Әли әлеуметтік желіде танымал. Табиғи талант тұнып тұрған. Көрсең көз тояды. Әлидің анасы Шынар Өтепбергенқызымен Arnapress.kz тілшісі сұхбаттасып, ұлының музыкалық қабілеті мен қызығушылығы туралы біліп көрді.«Ұлымның толық аты-жөні Әбсейіт Әли Бекнұрұлы. Әкесі — Әбсейіт Бекнұр Серікұлы. Әлидің барабанға деген қызығушылығы 1,5–2 жасынан басталды. Әкесі кішкентай кезінен өлең айтып, үстелді тарсылдатып ырғақ шығаратын.

Еңбек және халықты әлеуметтік қорғау министрлігінде құрылыс саласындағы еңбек қауіпсіздігі мен еңбекті қорғау мәселелеріне арналған кеңес өтті, деп хабарлайды Arnapress.kz Еңбек және халықты әлеуметтік қорғау министрлігіне сілтеме жасап.ҚР Еңбек және халықты әлеуметтік қорғау бірінші вице-министрі Ербол Тұяқбаев құрылыс нысандарында еңбек қауіпсіздігі талаптарына формалды қарау және негізгі нормаларды елемеу мемлекеттік саясат қағидаттарына қайшы екенін атап өтті.Оның айтуынша, қазіргі таңда құрылыс қарқыны күшейіп, маусым қызған кезеңге жеткендіктен, әрбір нысанда қауіпсіздік талаптарының сақталуына қатаң бақылау қажет.Бұған дейін Мемлекет басшысы елордадағы құрылыс саласында өндірістік жарақаттану деңгейінің өсуіне назар аударып, жұмысшылар қауіпсіздігін қамтамасыз ету бойынша нақты шаралар қабылдауды тапсырған болатын.Осыған байланысты еңбек қауіпсіздігі саласындағы мемлекеттік саясаттың негізі ретінде 2026 жылғы 15 наурызда қабылданған жаңа конституциялық қағидаттар көрсетілді.

Дайвер деген кім? Бұл — арнайы жабдықтың көмегімен су астына сүңгіп, теңіз бен мұхиттың тылсым әлемін зерттейтін адам. Көпшілік дайверлер міндетті түрде теңіз жағасында туып-өсуі керек деп ойлайды. Алайда бүгінгі кейіпкеріміз Қанат Әбдиевтің тағдыры бұл түсінікті өзгертеді. Ол — бала күнінде теңізді көрмей өскен қыр баласы.

Қазақстан Республикасы ПрезидентініңҚазақстан Республикасы Президентінің

12 мамырда Астанада классикалық шахматтан Қазақстан чемпионатының финалы аяқталды. Чемпиондар — 15 жастағы Сауат Нұрғалиев және 16 жастағы Зарина Нұрғалиева. Регламент бойынша чемпионаттың жүлдегерлері олимпиадалық құрамаларға қабылданады. Сауат 15 жасында елдің негізгі құрамына енеді — қазақстандық құрамаларда мұндай жас ойыншылар әлі болмаған.

Қазақстан Республикасы Денсаулық сақтау министрлігі мектеп медицинасын жаңғыртып, балалардың профилактикалық медициналық тексерулерін толық цифрландыруды жоспарлап отыр, деп хабарлайды Arnapress.kz министрлікке сілтеме жасап. Жаңа жүйе 2026 жылдың 1 қыркүйегінен бастап еліміздің барлық мектептерінде кезең-кезеңімен енгізіледі.Аппараттық кеңесте Денсаулық сақтау министрі қазіргі профилактикалық тексерулер формалды сипатта өтіп жатқанын атап өтті. Қазіргі таңда басты назар тексеру сапасына емес, сандық көрсеткіштерге аударылып отырғаны айтылды.Ведомство мәліметінше, дәрігерлер тапшылығы мен медицина қызметкерлеріне түсетін жоғары жүктеме балаларды қарау уақытының қысқаруына және ауруларды ерте анықтау деңгейінің төмендеуіне себеп болуда.Жаңа модель аясында мектептер цифрлық электрокардиографтармен, пульсоксиметрлермен, бой-өлшеуіштермен, таразылармен, отоскоптармен және телемедициналық кешендермен жабдықталады.

Семей қаласы патрульдік полиция батальонының қызметкерлері 27 сәуір күні сағат 21:30 шамасында қала орталығында қызметтік тексеру жүргізді, деп хабарлайды Arnapress.kz полиция департаменті баспасөзіне сілтеме жасап. Тексеру барысында ВАЗ-21099 маркалы автокөлік тоқтатылып, көлікте заңсыз ауланған 18 келі балық тасымалданғаны анықталды.Уылдырық шашу кезеңінде балық аулауға, ау құралдарын қолдануға және өзге де заңсыз әрекеттерге қатаң тыйым салынады. Құқық қорғау органдары табиғи ресурстарды қорғауды басты міндет ретінде айқындап, азаматтарды заң талаптарын сақтауға шақырады.Абай облысы Полиция департаменті тұрғындарға табиғатқа ұқыпты қарау – әр азаматтың ортақ жауапкершілігі екенін ескертеді.

Семей қаласында жол таңбаларын жаңарту жұмыстары кезең-кезеңімен жүргізіліп жатыр, деп хабарлайды Arnapress.kz қала әкімдігінің баспасөзіне сілтеме жасап. Бұл шаралар жол қауіпсіздігін арттыруға және көлік қозғалысын реттеуді жақсартуға бағытталған. Алдымен негізгі көшелер, жаяу жүргіншілер өткелдері, сондай-ақ мектептер мен әлеуметтік нысандар маңындағы учаскелер қамтылуда.Мамандардың айтуынша, жұмыстар ауа райына байланысты жоспарлы түрде жүзеге асырылып жатыр.

Өскемен гарнизонындағы әскери бөлімдердің бірінде сарбаз Қ. Оспановтың қаза болу дерегі бойынша қозғалған қылмыстық іс бойынша тергеу аяқталды. Бұл туралы Бас әскери прокуратураның арнайы прокурорлары мәлімдеді, деп хабарлайды Arnapress.kzТергеу барысында батальон және взвод командирлерінің бірнеше рет жарғыдан тыс қарым-қатынасқа жол бергені анықталған.

Семей қаласында ауа райының тұрақталуына байланысты 21 сәуірден бастап жылу беру тоқтатылады, деп хабарлайды Arnapress.kz қала әкімдігі сілтеме жасап. 2025–2026 жылғы жылыту маусымы қалыпты режимде өтті. Мамандардың айтуынша, жылу жүйелерінде барлық қажетті жұмыстар уақытылы жүргізіліп, жылу көздері штаттық тәртіпте жұмыс істеген.Жылыту маусымын аяқтау Абай облысында бекітілген қағидаларға сәйкес жүзеге асырылады.

Семей қаласының тұрғыны әлеуметтік желіде үйінде марғаудың өліміне қатысты видео жариялап, бұл жағдай желі қолданушылары арасында үлкен талқылауға түсті, деп хабарлайды Arnapress.kz полиция департаменті баспасөзіне сілтеме жасап.Жазба авторының айтуынша, алдымен оның баласы марғауды мұздатқышқа салып қойған.

2026 жылғы 20 сәуірден бастап Абай облысында заңсыз сақталған атыс қаруын, оқ-дәрілер мен жарылғыш заттарды ерікті түрде тапсыру және сатып алу акциясы іске қосылады, деп хабарлайды Arnapress.kz полиция департаменті баспасөзіне сілтеме жасап.Бұл бастама өңірдегі қоғамдық қауіпсіздікті күшейтуге, құқық бұзушылықтың алдын алуға және төтенше жағдайлардың қаупін азайтуға бағытталған.Облыс тұрғындары тіркелмеген қару-жарақ, оқ-дәрілер немесе жарылғыш заттарды полицияға өз еркімен тапсыра алады. Әр тапсырылған қару үшін оның жағдайына қарай ақшалай өтемақы қарастырылған: – толық жарамды қару — 100% төлем; – пайдалануға болатын, бірақ тозған қару — 70%; – жарамсыз қару — 30%.Мәселен, кейбір қару түрлері үшін төлем көлемі бірнеше жүз мың теңгеге дейін жетуі мүмкін.Акция аясында қаруды өз еркімен тапсырған азаматтар заң алдында жауапкершілікке тартылмайды.Мамандар заңсыз қару сақтау — тек иесіне ғана емес, айналасындағы адамдарға да қауіп төндіретінін ескертеді.

Қазақстанда зейнетақы жүйесі жаңғыртылып, жұмыс берушінің міндетті зейнетақы жарналары (ЖМЗЖ) арқылы азаматтардың болашақтағы әлеуметтік қорғалуы күшейтілуде, деп хабарлайды Arnapress.kz Қазақстан Республикасы Еңбек және халықты әлеуметтік қорғау министрлігіне сілтеме жасап. Бұл тетік қызметкердің қазіргі жалақысынан ұстамай, жарнаны толықтай жұмыс беруші есебінен аударуды көздейді.Жаңа жүйенің басты мақсаты – әрбір жұмыскердің, әсіресе жас буынның тұрақты әрі сенімді зейнетақы қорын қалыптастыру.

Ордоста (ҚХР) өтіп жатқан дзюдодан Азия чемпионатында Ұлттық құрама спортшысы Әділет Алмат финалға шықты. Бұл туралы Sportinfo.kz ақпарат агенттігі Спортты дамыту дирекциясының баспасөз қызметіне сілтеме жасап хабарлайды. Ерлер арасындағы 81 келіге дейінгі салмақ дәрежесінің жартылай финалында отандасымыз тәжікстандық Бехрузи Ходжазоданы жеңіп, кем дегенде күміс жүлдені қамтамасыз етті.

Семей қаласында Наурыз мерекесіне орай бірқатар көшелерде көлік қозғалысына уақытша шектеу енгізіледі, деп хабарлайды Arnapress.kz қала әкімдігі баспасөзіне сілтеме жасапҚала әкімдігі хабарлағандай, мерекелік іс-шараларды өткізуге байланысты қозғалыс 20 наурыз күні сағат 10:00-ден бастап 22 наурыз күні 22:00-ге дейін шектеледі.Осы кезеңде келесі учаскелер жабылады: – Қайым Мұхамедханов көшесі (Шмидт көшесінен Ибраев көшесіне дейін) – Абай көшесі (Шәкәрім даңғылынан Алаш Қозбағаров көшесіне дейін) – Алаш Қозбағаров көшесі – Мұхтар Әуезов алаңы және оған іргелес аумақтар – Сонымен қатар, бекітілген сызбаға сәйкес өзге де көшелерҚоғамдық көліктердің қозғалысы уақытша өзгертіліп, айналма бағыттар арқылы ұйымдастырылады.

Назарларыңызға ARNAPRESS ПОДКАСТ жобасының бірінші маусымындағы он үшінші шығарылымды ұсынамыз.Жобаның ұраны: «ARNAPRESS ПОДКАСТ: бүкпесіз әңгіме!«Жүргізуші: Гүлнұр АхметжанСтудия қонағы: «Қаладан ауылға» жобасы бойынша құрылған жұмыс тобының мүшесі Қанат ТұрарБүгінгі тақырып: «Қаладан ауылға» пилоттық жобасының міндеттері мен талаптары қандай?

Қазақстан Премьер-министрі Олжас Бектенов құрылыс саласын цифрландыруды жеделдетіп, заманауи цифрлық шешімдерді енгізу қажеттігін атап өтті. Бұл туралы Үкімет отырысында айтылды, деп хабарлайды Arnapress.kz.Премьер-министрдің айтуынша, заңнаманы жаңартумен қатар құрылыс саласын цифрлық форматқа көшіру жұмыстары жүргізілуде.

Жамбыл облысы Жоғары Сот Кеңесінің кезекті отырысы өткізілді деп хабарлайды Аrnapress.kz ҚР Жоғары Сот кеңесіне сілтеме жасапОтырыс барысында Жамбыл облыстық сотының төрағасы міндетін атқарушыны қызметінен босату, сондай-ақ Қазақстан Республикасының Жоғарғы Соты Төрағасының облыстық және оларға теңестірілген соттардың төрағаларын тағайындау жөніндегі ұсыныстары қаралды.Қарау қорытындысы бойынша Жамбыл облыстық сотының төрағасы міндетін атқарушысы қызметінен босатылды.1Қазақстан Республикасының сот жүйесі және судьялардың мәртебесі туралы1 Заңының талаптарына сәйкес Астана қалалық соты, Алматы қалалық соты және Жамбыл облыстық соты төрағаларын тағайындау туралы ұсыныстар қаралды.

2026 жылғы 17 ақпанда Астана уақытымен сағат 15:09-да жер сілкінісін тіркеді деп хабарлайды Аrnapress.kz ҚР ТЖМ 1Сейсмологиялық зерттеу институты1 ЖШС сейсмикалық станциялар желісі сілтеме жасапМамандардың мәліметінше, жер сілкінісінің ошағы Қазақстан аумағында, Алматы қаласынан шығысқа қарай 74 шақырым жерде орналасқан.Қазақстан Республикасы Төтенше жағдайлар министрлігі мәліметінше, Алматы қаласында жер сілкінісінің күші 2 балл болған.