Қайту: новости — страница 4

Отандық әуе компаниялар жолаушылардың сұранысын қанағаттандыру үшін Наурыз айындағы мереке күндері әуе рейстерінің санын едәуір ұлғайтады, — деп хабарлайды Arnapress.kz тілшісі Zakon.kz сайтына сілтеме жасап.Мәселен, 2025 жылғы 16-30 наурыз аралығында қосымша 120 әуе рейсі іске қосылады. Олардың қатарында:«Air Astana» әуе компаниясы қосымша 55 рейс орындайды.Iшкі бағыттар бойынша:Халықаралық бағыттар бойынша:Сонымен қатар, биылғы жылдың 30 наурызынан бастап Алматы – Нячанг (аптасына 4 рейс),31 наурыздан бастап Астана – Нячанг (аптасына 3 рейс),30 наурыздан бастап Алматы – Гуанчжоу (аптасына 3 рейс) бағыттарында әуе қатынасы ашылады.Ал 20 сәуірден бастап Алматы-Мумбай бағыты бойынша рейстер қайта ашылады (аптасына 3 рейс).Бұдан бөлек 28 мамырдан бастап Атырау – Тбилиси (аптасына 3 рейс), 1 маусымнан бастап Астана – Франкфурт (аптасына 3 рейс) жаңа әуе бағыттары ашылады.Сонымен қатар, биылғы жылдың 4 маусымынан бастап Қарағанды-Ыстанбұл бағыты бойынша рейстер ашылады (аптасына 2 рейс);«SCAT» әуе компаниясы 32 рейс қосады:Сондай – ақ, Шымкент – Каир (29 мамырдан бастап, аптасына 2 рейс), Шымкент – Сиань (28 мамырдан бастап, аптасына 2 рейс), Шымкент-Будапешт (27 мамырдан бастап, аптасына 2 рейс) бағыттары бойынша рейстер ашылады;«Qazaq Air» әуекомпаниясы 1 мамырдан бастап Астана – Самарқанд бағыты бойынша рейстерді іске қосады (аптасына 2 рейс).Сондай-ақ, әуе компания Астана – Алматы, Астана – Шымкент, Астана – Түркістан ішкі бағыттары бойынша мереке алды және мереке күндері рейстер санын ұлғайту мәселесін қосымша пысықтауда.Әуе билеттерін тасымалдаушылардың ресми сайттарынан сатып алуға болады.Ішкі және халықаралық бағыттар бойынша билет құны өспейді, билет бағасы қалыпты деңгейде қала бермек. Әуе билеттерінің құны нарықтық факторларға байланысты өзгеруі мүмкін (билетті ұшу күніне тақап алу және т.б.).Әуе компаниялары техникалық мүмкіндігіне орай мереке күндері рейстерді ұлғайту бойынша жұмысты әлі де жалғастырады.Сурет: Zakon.kz

Карталарды мобильдік қосымшаларға біріктіру мақсатында жаңартылған MapKit SDK өнімінде Қазақстанның негізгі қалаларында танымал сауда ойын-сауық орталықтары мен әуежайлардың әр қабатындағы егжей-тегжейлі жоспарлары пайда болды. Қазіргі уақытта Алматы, Астана, Қарағанды және басқа да ірі қалаларда 150-ден астам нысанның жоспарлары қолжетімді, бұл курьерлік қызметтердің жұмысын айтарлықтай жеңілдетуге және жеткізуді тездетуге мүмкіндік береді.

ҚР Көлік министрлігі Ақтауда апатқа ұшыраған Azerbaijan Airlines әуе компаниясының Embraer-190 ұшағына қатысты тергеудің алдын ала есебін жариялады, — деп хабарлайды Arnapress.kz тілшісі Zakon.kz сайтына сілтеме жасап.Есептегі мәлімет бойынша, Грозный әуежайына екі рет қона алмағаннан кейін экипаж Бакуге оралуды ұйғарған.

Абай облысында екі әуежай жұмыс істейді. Биыл екеуінде де жаңғырту жұмыстарын жүргізу жоспарланған, — деп хабарлайды Arnapress.kz тілшісі облыстық әкімдігінің баспасөз қызметіне сілтеме жасап.Абай облысы көлік инфрақұрылымын, соның ішінде әуе, автомобиль және теміржол тасымалдарын белсенді дамытуда.

600 миллион теңгеден аса қаржы жымқырған қазақстандықтың жазасы жеңілдетілді, — деп хабарлайды Arnapress.kz тілшісі Tengrinews.kz сайтына сілтеме жасап.Сот үкімі бойынша, Шигабутдинова сеніп тапсырылған қаражатты жымқыру бойынша айыпты деп танылған (ҚК-нің 189-бабы 4-бөлігі 2-тармағы). Оған 8 жылға бас бостандығынан айыру жазасы тағайындалған.Іс материалдарын зерделеу мынаны көрсетті.Шигабутдинова ЖШС бухгалтері бола тұра, басшылық ұсынған «Банк-Клиент» бағдарламасына рұқсаты бола отырып, ЖШС шотынан екі жеке кәсіпкердің есепшотына банк реквизиттерінде оның және ағасының шотының нөмірін көрсете отырып, 613 миллион теңгеден астам қаражат аударғаны анықталды.Шигабутдинованың кінәсі жиналған айғақтармен дәлелденді.

Қазақстан Республикасы Оқу-ағарту министрлігінің мәліметінше, 2025 жылы балаларды мектепке дейінгі тәрбие және оқытумен қамтуды 95%-ға дейін ұлғайту жоспарланып отыр, деп хабарлайды Arnapress.kz тілшісі Primeminister.kz сайтына сілтеме жасап.Мектепке дейінгі ұйымдарға бармайтын балалардың ата-аналарына әдістемелік қолдау көрсету мақсатында, балалардың отбасылық жағдайда тәрбие алуы, дамуы және күтімі мәселелері бойынша кеңес беру пункті санын 4 245-ке дейін арттыру жоспарланған.

«Мемлекет басшысының Жарлығымен Дархан Амангелдіұлы Сатыбалды Қазақстан Республикасы Президентінің Әкімшілігі Басшысының бірінші орынбасары болып тағайындалды, ол бұрынғы атқарған лауазымынан босатылды», — делінген жарлықта.Еске сала кетейік, бұған дейін Дархан Сатыбалды Түркістан облысының әкімі қызметін атқарды.Дархан Амангелдіұлы Сатыбалды 1974 жылы 26 наурызда Оңтүстік Қазақстан облысы, Сарыағаш ауданы, Абай ауылында туған.Білімі:С.Сейфуллина атындағы Ақмола ауыл шаруашылығы институтының түлегі (1996).

2024 жылдың 25 желтоқсанында «ҚазАвтоЖол» ұлттық компаниясы еліміздегі ең ірі «Талдықорған-Қалбатау-Өскемен» республикалық автомобиль жолын қайта жаңарту бойынша негізгі жұмыстардың аяқталғаны туралы мәлімдеді, деп хабарлайды Arnapress.kz тілшісі Zakon.kz сайтына сілтеме жасап.«ҚазАвтоЖол» ұлттық компаниясының мәліметінше, қайта жаңарту жұмыстары осы жолдың 287-1013 шақырым аралығында жүргізілді.Жалпы ұзындығы 768 шақырымнан тұратын жолдың 38 шақырымы І техникалық санатқа, 730 шақырымы ІІ техникалық санатқа ауыстырылды.Жоба жұмыстары Абай, Жетісу және Шығыс Қазақстан облыстарының аймағында жүргізіліп, 16 учаскеден тұрды.

Абай облысының әкімі Нұрлан Ұранхаев Семей қаласы тұрғындарымен кездесуі өтті, — деп хабарлайды Arnapress.kz тілшісі.Кездесуде өңірдің жеткен жетістіктері мен қолға алынған жобалар туралы айтылды.«Семей – талай тарихи оқиғаның кәугері, еліміздің рухани-мәдени орталығы. Сүйікті қаламызды көркейтуге көңіл бөлініп жатқанын білесіздер.

Қазақстан Республикасының Тәуелсіздік күні — тарихы тереңде жатқан елдің жаңа заманда өз алдына қайта егеменді ел болған күні. 1991 жылы КСРО ыдырап, Одақтың құрамындағы елдер өз алдарына жеке мемлекет болып жатты. Солардың қатарында Қазақстан да болды. 1991 жылы 16-желтоқсанда Қазақстанның Жоғарғы Кеңесі «Тәуелсіздік пен мемлекеттің егемендігі туралы» заңды қабылдады.

Қараша айының қорытындысы бойынша теңге бағамы 5%-ға әлсіреп, 1 АҚШ доллары 512,52 теңгеге дейін барды, — деп хабарлайды Arnapress.kz тілшісі Zakon.kz сайтына сілтеме жасап.Қазақстан қор биржасындағы сауда-саттықтың орташа күндік көлемі бір айда 278 млн-нан 262 млн АҚШ долларына дейін төмендеді. Сауда-саттықтың жалпы көлемі 5,5 млрд АҚШ долларын құрады.«Республикалық бюджетке трансферттерді қамтамасыз ету үшін қараша айында Ұлттық қордан 1 260 млн АҚШ долларына валюта сатылды. Ұлттық қордан сату үлесі жалпы сауда-саттық көлемінің 23%-ын және күніне 60 млн АҚШ долларынан аспайтын мөлшерді құрады. Ұлттық Банк Ұлттық қордың қаражатымен операциялар жүргізу кезінде нарықтың бейтарап қағидатын сақтайды.

Семейдегі жаңартылған Бейбітшілік аралында балалар теміржолы пайдалануға берілді, деп хабарлайды Arnapress.kz тілшісі облыстық әкімдіктің баспасөз қызметіне сілтеме жасап.Балалар теміржолы 1979 жылы теміржолшылар күніне орай ашылған болатын. Алайда 90 жылдардың ортасына қарай жабылған еді. Міне, 20 жылдан астам уақыттан кейін балалар теміржолы қайта қалпына келтірілді.

Прокурордың, қылмыстық қудалау органдарының іс-әрекеттері (әрекетсіздігі) мен шешімдеріне жасалған шағымдарды соттардың қарауы. Прокурордың, қылмыстық қудалау органдарының қылмыстық істер бойынша сотқа дейінгі іс жүргізу сатысында жүзеге асырылатын іс-әрекеттеріне (әрекетсіздігіне), сондай-ақ қабылдаған шешімдеріне келтірілген шағымдарды соттардың қарауы Қазақстан Республикасы Конституциясының 13-бабының 2 тармағында, 76-бабының 1 тармағында және Қазақстан Республикасы Қылмыстық-процестік кодексінің (бұдан әрі – ҚПК) 8-бабында бекітілген әркімнің сот арқылы қорғалу құқығын іске асыруды қамтамасыз ету тәсілдерінің бірі болып табылады, сондықтан соттар сот төрелігіне қол жеткізуді, сотқа шағыммен жүгіну негіздерін көздейтін және оларды қарау тәртібін реттейтін заң нормаларын дұрыс қолдануды қамтамасыз етуге тиіс.

Әдеп — қоғамдағы адамдардың мінез-құлқына қойылатын этикалық талаптар. Олай дейтініміз, адамның сөйлеу мәнері, іс-қимылы,жүріс-тұрысы, өзін ұстай білуі оның мәдениетті, әдепті екендігін байқатып отырады. Адамның бойынан әдептілік қасиет көрініп түрса, ол парасатты, адамгершілігі мол екендігін көрсетеді. Әдептілік — адам бойында бірден бола қалмайды.

Мемлекеттік қызмет істері агенттігі төрағасының 2024 жылғы 1 қарашадағы бұйрығымен мемлекеттік әкімшілік лауазымға орналасу мәселелері бойынша өзгерістер мен толықтырулар енгізілді, — деп хабарлайды Arnapress.kz тілшісі Zakon.kz сайтына сілтеме жасап.Ережеге сәйкес, Қазақстан Республикасының заңнамасын білуге арналған тестілеу нәтижелерін тестілеу бағдарламаларында көрсетілген мәндерден төмен алған «Б» корпусының лауазымына үміткерлерге «электрондық үкімет» веб-порталы арқылы жеке кабинетке осы Қағидаларға 6-қосымшаға сәйкес нысан бойынша тестілеуден өту мәндерінен төмен нәтижелері бар тестілеуден өткені туралы анықтама жіберіледі.Аталған адамдарды қайта тестілеуге жіберуге тестілеу өткізілген күннен бастап кемінде күнтізбелік үш күн өткен соң жол беріледі.Жоғарыда аталған бұйрықпен бекітілген Ықпалдастырылған ақпараттық жүйеде «Б» корпусының мемлекеттік әкімшілік лауазымына орналасуға іріктеу және конкурс өткізудің уақытша қағидаларына:Іріктеу кезеңдерінен өту кезінде үміткер жеке қатысуын және бөгде адамдардың болмауын қамтамасыз етеді;Сурет: pixabay.com

«Абай» кенішіндегі «Қарағанды ​​Жарық» ЖШС-нің №9 трансформаторында электр қуаты апатты жағдайда сөнуіне байланысты 155 кенші эвакуацияланды, — деп хабарлайды Arnapress.kz тілшісі Tengrinews.kz сайтына сілтеме жасап.Өткен түнде шахтаға электр қуатын беру тоқтап қалды. Электр қуатын өшіру туралы сигнал кәсіпорынның орталық диспетчерлік кеңсесіне түскеннен кейін, шахтада эвакуациялау жоспары енгізілген.«Қарағанды Жарық» ЖШС № 9 трансформаторлық энергетикалық компаниясында электрді ажырату нәтижесінде «Абай» шахтасында электр энергиясын беруді тоқтату туралы сигнал түсті.

Қылмыстық істер бойынша заңды күшіне енген сот актілерін қайта қарауды Қазақстан Республикасы Жоғарғы Сотының қылмыстық істер жөніндегі сот алқасы ҚПК-тің 446-бабының 3-бөлігінің тәртібімен енгізілген Қазақстан Республикасы Бас Прокурорының (бұдан әрі – Бас Прокурор) наразылығы, облыстық не оған теңестірілген сот төрағасының ұсынуы бойынша не Қазақстан Республикасы Жоғарғы Сотының үш судьясының (бұдан әрі – Жоғарғы Сот судьялары) қаулысымен кассациялық сатыға берілген ҚПК-тің 486-бабының 1-бөлігінде көрсетілген адамдардың өтінішхаттары бойынша ғана жүргізеді. ҚПК-тің 485-бабының 1, 2 — бөліктерінде көзделген зардаптарға әкеп соққан қылмыстық және (немесе) қылмыстық-процестік заңдарды дұрыс қолданбау жағдайлары ғана заңды күшіне енген сот актілерін кассациялық тәртіппен қайта қарауға негіздер болып табылады.

Қазақстан Республикасы ПрезидентініңҚазақстан Республикасы Президентінің

Аягөз қаласының тұрғындары пәтерлердегі жылытқыштардың салқын екеніне, жылусыз отырғанына шағымданған еді. Бұл жайтқа Энергетика министрлігі мен облыстық әкімдік өкілдері пікір білдірдіп, жағдайды түсіндірді, деп хабарлайды Arnapress.kz тілшісі KAZ.NUR.KZ. сайтына сілтеме жасапАбай облысы әкімдігінің Instagram-дағы ресми парақшасында жарияланған мәліметке сүйенсек, 16 қазан сағат 15.00-де Ø159 ысырмасының істен шығуы себебінен жылумен жабдықтау апатты жағдайда ажыратылған.Әкімдіктегілер қазандықтар жұмысы тоқтатылмағанын, жылумен жабдықтауды толық қалпына келтіру сағат 16:00-де аяқталғанын мәлімдеді.

Әуежайда жаңа терминал іске қосылғаннан кейін әуе айлағы бірнеше рет сынға ұшырады. Бүгін қандай өзгеріс енгізу жоспарланғаны белгілі болды, — деп хабарлайды Arnapress.kz тілшісі Tengritravel.kz сайтына сілтеме жасапЖаңа халықаралық терминал 2024 жылдың 1 маусымында пайдалануға берілді. Іске қосу жоспарланған мерзімнен екі ай бұрын жүзеге асырылды.

Қостанай тұрғыны DarkNet пен Telegram арқылы интернет-алаяқтық жасаған. ІІМ-де интернет-алаяқтыққа қарсы іс-қимыл туралы айтылды, — деп хабарлайды Arnapress.kz тілшісі Tengrinews.kz сайтына сілтеме жасап.«Қаскөй 1,5 миллион теңгеден астам табыс тапқаны анықталды. Ер адам «кардингпен», яғни банк карталарының деректемелерін ұрлап және оларды қайта сатумен, сондай-ақ ақшаға компьютерлік вирустарды таратуды үйретумен айналысқан. Қазір фигурант ұсталып, сотталды», — деді ІІМ криминалдық полиция департаментінің бастығы Қанат Нұрмағамбетов.Шымкенттік алаяқ Instagram-парақшаның дубликатын жасап, балалардың еміне ақша жинау арқылы адамдарды алдаған.

4 қазанда өткен Судьялардың IX съезінде Қазақстан президенті Қасым-Жомарт Тоқаев Жоғарғы Сот кеңесін реформалауды ұсынды, — деп хабарлайды Arnapress.kz тілшісі Zakon.kz сайтына сілтеме жасап.Сот жүйесі заңдылықты қамтамасыз етіп, азаматтар мен бизнестің құқықтары мен мүдделерін объективті және бейтарап қорғай алатын жалғыз жол осы.«Осы мақсатта 2021 жылы Әділет министрі мен Мемлекеттік қызмет істері агенттігінің басшысы Жоғарғы Сот Кеңесінің құрамынан шығарылды. Әрі қарай жүріп, судьяларды іріктеудің бүкіл процесінің объективтілігін қамтамасыз ету үшін Жоғарғы Сот Кеңесінің құрамын тағы бір рет қайта қарау қажет. Әлемдік тәжірибе көрсеткендей, мұндай органдарға прокуратура өкілдері кірмеуі керек.Жоғарғы Сот Кеңесінің теңгерімді құрамын қалыптастыру мәселесін мұқият қарау керек», – деді Қасым-Жомарт Тоқаев.Судьяларды өз құзыреттерін үнемі жетілдіріп, өз жұмысына адал және жауапкершілікпен қарауға ынталандыру қажеттігін баса айтты.

Қазақстан Республикасы Ұлттық экономика министрлігінің Табиғи монополияларды реттеу комитеті Жамбыл облысы бойынша департаменті (бұдан әрі — Департамент), Мемлекет басшысының 2022 жылғы 1 қыркүйекте жариялаған «Әділетті мемлекет. Бір халық. Гүлденген қоғам» Жолдауында мемлекет пен қоғамның барлық салаларын қайта іске қосуды қамтамасыз ету көзделген.

Семей көшелерінде әппақ қойлек киген ханымдар, қалалықтардың назарын өзіне аударды, — деп хабарлайды Arnapress.kz тілшісі.Қала күніне орай Семейде түрлі мәдени және ойын-сауық шаралар өткізілуде. Соның бірі «Қалындықтар шеруі». Бүгін 50-ден астам нәзік жандылар той көйлегін киіп, орталық саябақтан Арбат бойымен жүріп өтті.

Семейде Сәкен Сейфуллиннің аты-жөнін қате жазғандар сынның астында қалды. Себебі Сейфуллин көшесіндегі тақтайшаны жаңартқанда «Л» әріпі түсіп қалған, — деп хабарлайды Arnapress.kz тілшісі KTK арнасына сілтеме жасап. Семейде көше тақтайшасына Сейфуллиннің аты-жөнін қате жазған Семейде Сәкен Сейфуллиннің аты-жөнін қате жазғандар сынның астында қалды.

Әрбір қазақстандықтың санасында Конституция күні Қазақстан Республикасы Конституциясының қабылданған тарихи күнімен байланысты. 1995 жылғы 30 тамызда республикалық референдумда Қазақстан Республикасының Конституциясы қабылданды, ол біздің еліміздің дамуындағы бетбұрыс болды. Конституция Республиканың бүкіл аумағында жоғары заңды күшке ие және тікелей қолданылады.

Әрбір қазақстандықтың санасында Конституция күні Қазақстан Республикасы Конституциясының қабылданған тарихи күнімен байланысты. 1995 жылғы 30 тамызда республикалық референдумда Қазақстан Республикасының Конституциясы қабылданды, ол біздің еліміздің дамуындағы бетбұрыс болды. Конституция Республиканың бүкіл аумағында жоғары заңды күшке ие және тікелей қолданылады.

Қазақстанда коллекторлық агенттіктер кредиттер бойынша берешекті реттеуге міндеттелді, — деп хабарлайды Arnapress.kz тілшісі Zakon.kz сайтына сілтеме жасап.Құжат жеке тұлғаның (борышкердің) банктік қарыз шарты немесе микрокредит беру туралы шарт бойынша берешегі, оның ішінде сот шешімі бойынша өндіріп алынған немесе нотариустың атқарушы жазбасы негізінде берешек шарты жасалған күннен бастап күнтізбелік 30 күн ішінде борышкерді немесе оның өкілін оның коллекторлық агенттікке жүгіну құқығы туралы хабардар ететінін көздейді.Құжат коллекторлық агенттік басқаға беру туралы шат жасалған күннен бастап күнтізбелік 30 күн ішінде банктік қарыз шарты және микрокредит беру туралы шарт бойынша жеке тұлғаның берешегі, оның ішінде соттың шешімі бойынша немесе нотариустың атқарушылық жазбасы негізінде өндіріп алынған берешегі бойынша борышкерді және оның өкілін Коллекторлық қызмет туралы заңның 6-1-бабының 1-тармағына сәйкес олардың (оның) берешекті өтеу талаптарын өзгерту туралы өтінішпен коллекторлық агенттікке жүгіну құқығы туралы хабардар етеді.Коллекторлық қызмет туралы заңға сәйкес берілген банктік қарыз шарты және микрокредит беру туралы шарт бойынша берешекті өтеу талаптарын өзгерту туралы өтінішті коллекторлық агенттік қабылдауға, тіркеуге, есепке алуға және қарауға тиіс.Борышкер толық емес мәліметтер мен құжаттар ұсынған кезде коллекторлық агенттік оларды осы тармақтың төртінші бөлігінде көзделген құжаттарды ұсыну мерзімін көрсете отырып және құжаттар көрсетілген мерзімде берілмеген жағдайда борышкердің өтінішінің қараусыз қалдырылғаны туралы хабарлай отырып, 10 (он) жұмыс күні ішінде сұратады.Борышкер сұратылған құжаттарды коллекторлық агенттік сұрату жіберген күннен кейінге 5 (бес) жұмыс күні ішінде ұсынады.Коллекторлық агенттік борышкер ұсынған берешекті өтеу талаптарының өзгерістерімен келісетіні туралы шешім қабылдаған кезде мұндай өзгерістерді енгізу мерзімі коллекторлық агенттік шешім қабылдаған күннен бастап күнтізбелік 15 (он бес) күннен аспайды.Сот шешімі немесе нотариустың берешекті өндіру туралы атқарушылық жазбасы болған кезде, коллекторлық агенттік атқарушылық іс жүргізуді тоқтата тұруға бастамашы болады.Коллекторлық агенттік берешекті өтеу талаптарын өзгерту туралы өз ұсыныстарын жіберген кезде Коллекторлық қызмет туралы заңның 6-1-бабының 2-тармағына сәйкес коллекторлық агенттік борышкердің ұсынылған талаптарға жауап беру мерзімін де көрсетеді, ол борышкер коллекторлық агенттіктің шешімін алған күннен бастап күнтізбелік 15 (он бес) күннен аспайтын уақытты құрайды.Коллекторлық агенттік берешекті өтеу талаптарын өзгертуден бас тарқан кезде, сондай-ақ борышкер осы тармақтың 2) тармақшасында көзделген коллекторлық агенттіктің шешімін алған күннен бастап күнтізбелік 15 күн ішінде коллекторлық агенттік пен борышкер арасында өзара қолайлы шешімге қол жеткізбеген кезде, борышкерге Қағидаларға 1-қосымшаға сәйкес нысан бойынша берешекті өтеу талаптарын өзгертуден бас тарту беріледі.Коллекторлық агенттіктің өтінішті қарауы борышкерге міндеттеме бойынша мерзімі өткен берешекті не оның бір бөлігін біржолғы өтеу талабын белгілемей жүзеге асырылады.Мерзімі өткен берешекті не оның бір бөлігін біржолғы өтеу коллекторлық агенттікке хабарлаған кезде борышкердің бастамасы бойынша жүзеге асырылады.Өтінішті қарау кезеңінде және борышкерге шешім жіберілгенге дейін коллекторлық агенттік берешекті сотқа дейінгі өндіріп алуды және міндеттемені орындау бойынша наразылық-талап қою жұмысын жүргізуді тоқтата тұрады.Коллекторлық агенттік тоқсан сайын есепті тоқсаннан кейінгі айдың 10-ынан кешіктірмейтін мерзімде қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға:Мерзімді әскери қызметтің әскери қызметшілері (бұдан әрі – борышкер-әскери қызметші) бойынша негізгі борыш және берешекті өтеу талаптарын өзгерту туралы шешім қабылдау уақытында негізгі борыштың қалдығына есептелген сыйақы бойынша мерзімді әскери қызмет өткеру мерзімін және ол аяқталғаннан кейін күнтізбелік 60 (алпыс) күнді қамтитын кезеңге төлемдерді кейінге қалдыру шартқа немесе кепіл шартына қосымша келісімдерге қол қоймай, шарт бойынша мерзімді ұлғайту және төлемдер мөлшерін сақтау түрінде жаңа төлемдер кестесін белгілеу арқылы ұсынылады, бұл туралы борышкер-әскери қызметшіге шартта көзделген тәсілмен және (немесе) Коллекторлық қызмет туралы заңның 6-1-бабының 1-тармағына сәйкес хабарланады.Төлемдерді кейінге қалдырудан бас тартқан кезде борышкер-әскери қызметші (сенімхат бойынша борышкер-әскери қызметшінің мүддесі үшін әрекет ететін үшінші тұлға) коллекторлық агенттіктің хабарламасын алған күннен бастап күнтізбелік 14 (он төрт) күн ішінде шартта көзделген тәсілмен және (немесе) Коллекторлық қызмет туралы заңның 6-1-бабының 1-тармағына сәйкес төлемдерді кейінге қалдырудан бас тарту туралы өтініш жібереді.Коллекторлық агенттік борышкер-әскери қызметшінің төлемдерді кейінге қалдырудан бас тарту туралы өтінішін алған күннен бастап күнтізбелік 15 (он бес) күн ішінде оны шартта көзделген тәсілмен және (немесе) Коллекторлық қызмет туралы заңның 6-1-бабының 1-тармағына сәйкес төлемдерді кейінге қалдыру күшінің жойылғаны туралы хабардар етеді.Төлемдерді кейінге қалдыру кезеңінде коллекторлық агенттік борышкер-әскери қызметшіге мерзімі өткен берешекті өтеу қажеттілігі туралы хабардар етуді тоқтата тұрады, сондай-ақ борышкер бойынша наразылық-талап қою жұмысын және заңды күшіне енген сот актісі, берешекті өндіріп алу туралы атқарушылық жазба бойынша атқарушылық іс жүргізуді тоқтата тұруға бастамашы болады.Борышкер-әскери қызметші мерзімді әскери қызметтен шығарылған кезде коллекторлық агенттік борышкер қызметтен шығарылған күннен бастап күнтізбелік 60 (алпыс) күн өткеннен кейін берешекті өндіруді қайта бастайды, наразылық-талап қою жұмысын қайта бастауға бастамашы болады және бұл туралы борышкерді шартта көзделген тәсілмен және (немесе) Коллекторлық қызмет туралы заңның 6-1-бабының 1-тармағына сәйкес хабардар етеді.Ережелер сонымен қатар коллекторлық агенттіктің берешекті реттеу туралы шешім қабылдау тәртібін белгілейді.Құжатта сондай-ақ 2024 жылғы 1 қазанға дейін сатып алынған жеке тұлғалардың берешегі бойынша коллекторлық агенттіктер борышкерді немесе оның өкілін коллекторлық агенттікке банк қарызы шарты немесе микрокредит беру туралы шарт бойынша міндеттемені орындау талаптарын өзгерту туралы өтінішпен жүгіну құқығы туралы қаулы қолданысқа енгізілген күннен кейін күнтізбелік 20 күн ішінде хабардар етуі тиіс делінген.Қаулы 2024 жылғы 1 қазаннан бастап қолданысқа енгізіледі.Фото: pexels

Бұрынғы мәдениет және спорт министрі Арыстанбек Мұхамедиұлына және онымен бірге сотталған басқа да адамдарға қатысты үкім аппеляциялық тәртіппен қайта қаралды, — деп хабарлайды Arnapress.kz тілшісі Nur.kz сайтына сілтеме жасап.2024 жылғы 21 тамызда Астана қалалық сотының қылмыстық істер жөніндегі сот алқасымен А.Мұхамедиұлы және басқаларына қатысты қылмыстық іс апелляциялық тәртіпте қаралды.Айта кетейік, Астана қаласының қылмыстық істер жөніндегі ауданаралық сотының 2029 жылғы 29 ақпандағы сот үкімімен Мұхамедиұлы А. лауазымдық өкілеттіктерін теріс пайдалана отырып, кінәліге сеніп тапсырылған бөтеннің мүлкін талан-таражға салу арқылы, аса ірі мөлшерде ұрлауды ұйымдастырғаны, рейдерлік әрекетке бағытталғаны, өкілеттіктерін теріс пайдалануды ұйымдастырғаны үшін (ҚК 28-бабының 3-бөлігі – 189-бабы 4-бөлігінің 2) тармағы, 361-бабы 4-бөлігінің 3) тармағы, 24-бабының 3-бөлігі – 249-бабының 1-бөлігі, 28-бабының 3-бөлігі – 250-бабының 1-бөлігі) мемлекеттік қызметте қызмет атқаруға өмір бойына тыйым сала отырып, 11 жылға бас бостандығынан айыруға;Нұразхан А. кінәліге сеніп тапсырылған бөтеннің мүлкін талан-таражға салу жолымен, аса ірі мөлшерде ұрлауға қатысқаны үшін (ҚК 28-бабының 2-бөлігі – 189-бабы 4-бөлігінің 2) тармағы) мемлекеттік қызметте қызмет атқаруға өмір бойына тыйым сала отырып, 7 жыл 1 айға бас бостандығынан айыруға;Кошенов А. мен Садвокасова А. кінәліге сеніп тапсырылған бөтеннің мүлкін аса ірі мөлшерде, талан-таражға салу жолымен ұрлауға жәрдемдескені үшін (ҚК 28-бабының 5-бөлігі – 189-бабы 4-бөлігінің 2) тармағы) коммерциялық және өзге де ұйымдарда 10 жыл мерзімге материалдық-жауапты лауазымдармен айналысу құқығынан айырыла отырып, 7 жыл 1 айға бас бостандығынан айыруға, сондай-ақ А.Садвокасоваға үкімнің орындалуын 5 жылға кейінге қалдыру қолданылды;Сатубалдин А. мен Кочетов Л. кінәліге сеніп тапсырылған бөтеннің мүлкін аса ірі мөлшерде, талан-таражға салу жолымен ұрлауға қатысқаны үшін (ҚК 28-бабының 2-бөлігі — 189-бабы 4-бөлігінің 2) тармағы) мемлекеттік қызметте қызмет атқаруға өмір бойына тыйым сала отырып, 7 жылға бас бостандығынан айыруға;Жуаспаева Г. өкілеттігін асыра пайдаланғаны және көрінеу жалған құжатты пайдаланғаны үшін (ҚК 250-бабының 1-бөлігі, 385-бабының 3-бөлігі) 2 жылға бас бостандығынан айыруға сотталған.

Қазақстан қор биржасында (KASE) 2024 жылғы 8 тамызда сағат 15:30-да шетел валюталары бойынша сауда-саттық жабылды, деп хабарлайды Arnapress.kz тілшісі Zakon.kz. сайтына сілтеме жасапСауда-саттықтың қорытындысы бойынша доллардың орташа сараланған бағамы 1,23 теңгеге көтеріліп, 477,14 теңгені құрады.Қытай юанінің орташа сараланған бағамы 66,55 теңгеге (+0,47) дейін көтерілді.Ақша айырбастау орындарында доллар 475,7-477,7 теңгеге, еуро 520,5-524,5 теңгеге, ресей рублі 5,39-5,49 теңгеге сатылуда.Сонымен бірге, 8 тамыздағы аукционда әлемдік мұнай бағасы төмендеп жатыр.Осылайша, ICE Futures электрондық саудасында қазан айындағы Brent фьючерстерінің құны 0,29%-ға арзандап, барреліне 78,10 долларды құрады.NYMEX электрондық саудасында WTI мұнайының қыркүйектегі фьючерстері 0,19%-ға төмендеп, барреліне 75,09 долларды құрады.Ұлттық банк бұған дейін доллар бағамын 475,62 теңге, еуроны 519,23 теңге, рубльді 5,52 теңге деп белгілеген болатын.