Әлеуметтік: новости — страница 2

Семей қаласында қоғамдық орында тәртіп бұзған шетелдік азаматтарға Қазақстан аумағына кіруге шектеу қойылды. Бұл туралы Arnapress.kz Абай облысының Полиция департаментіне сілтеме жасап хабарлайды.Әлеуметтік желілерде Абай даңғылы бойындағы бір мекеменің жанында күндізгі уақытта екі шетелдік азаматтың қоғамдық орында табиғи қажеттілігін өтеп жатқан сәті түсірілген видео тараған.

Қазақстанда тұрғын үй сатып алуға мүмкіндік беретін жаңа бағдарлама «Наурыз» бағдарламасы 10 наурыздан басталады деп хабарлайды Аrnapress.kz «Отбасы банкке» сілтеме жасап . Бағдарлама аясында азаматтар жеңілдетілген мөлшерлемемен баспана ала алады.Қарыз бойынша сыйақы мөлшерлемесі халықтың әлеуметтік осал топтарына (ХӘОТ) жататын және тұрғын үй кезегінде тұрған азаматтар үшін жылдық 7% (ЖТСМ 7,1%-дан 9,6%-ға дейін) болады.

Бұған дейін ата-аналар балалардың мектеп асханасындағы тамақ сапасына қатысты түрлі пікір білдіріп, кейбірі дәміне көңілі толмайтынын айтқан болатын. Осыған байланысты Arnapress.kz тілшісі Семей қаласындағы Ы.Алтынсарин атындағы №37 гимназия асханасына арнайы барып, таңғы ас барысымен танысып, оқушылармен тілдесіп қайтты.Таңғы ас уақыты – сағат 10:00.

Семей қаласының полициясы мемлекеттен тұрғын үй алуға көмектесеміз деп уәде етіп, 5 миллион теңге ірі көлемде иемденген алаяқтық дерегін тексеріп жатыр деп хабарлайды Аrnapress.kz полиция департамантіне баспасөзіне сілтеме жасап36 жастағы қала тұрғыны 2025 жылғы тамыз айында 56 жастағы әйел мен оның 59 жастағы жұбайының банктік шотына ақша аударған.

Абай облысында «Қаладан ауылға» жобасы ауыл тұрғындарын тұрақтандыруға және елді мекендерге жаңа тұрғындарды тартуға бағытталған. Жоба шарты, міндеті және сайт та жасалып жатыр деп хабарлайды Arnapress.kz «Қаладан ауылға» пилоттық жобасы жайлы анық-қанығын білу үшін осы жоба бойынша құрылған жұмыс тобының мүшесі Қанат Тұрармен байланысқа шықтық.

Семей қаласындағы №35 әлеуметтік маңызы бар автобус бағытына қатысты қала әкімдігі пікір білдірді, деп хабарлайды Arnapress.kz.Еске сала кетейік, сайтымызға тұрғындар 35 маршурут суық, жеткенше тоңып барамыз деп жазған болатын. Соған Семей қаласының жолаушылар көлігі және автомобиль жолдары бөлімінің жауабында: «Аталған бағыт «Авто Транс» ЖШС жолаушылар тасымалдауды ұйымдастыру келісімшартына сәйкес қызмет көрсетеді.

Бейбітшілік аралында («Өлімнен де күшті» монументінің жанында) «Абайға құрмет» акциясы аясында Солтүстік Қазақстан облысы өңірімізге тарту еткен Рәміздер алаңының капсуласын салу рәсімі өтті, деп хабарлайды Arnapress.kz.Салтанатты шараға облыс әкімі Берік Уәли қатысып, аталған жобаның маңызына тоқталды.

Кәсіпкер Арсен Томский Милан – Кортина қысқы Олимпиадасы чемпионы Михаил Шайдоровтың әкесі, алғашқы жаттықтырушысы Станислав Шайдоровқа уәде еткен Audi Q8 автокөлігін табыстады деп хабарлайды Аrnapress.kz кәсіпкердің әлеуметтік желісіне сілтеме жасап.Оның айтуынша, Олимпиада чемпионының тарихи жеңісінің артында жылдар бойғы тынымсыз еңбек, темірдей тәртіп пен үлкен құрбандық жатыр.«Мен Audi Q8 көлігін Станислав Шайдоровқа – Олимпиада чемпионы Михаил Шайдоровтың әкесіне, алғашқы жаттықтырушысына және осы жеңістің бастауында тұрған адамға сыйға тарттым.

Абай облысы аумағында салауатты өмір салтын қалыптастыруға бағытталған игі бастамалар жүйелі түрде жалғасып келеді. Соның нақты дәлелі – Шар қаласына қарасты Көшек ауылы тұрғындарының «Алкогольсіз ауыл» республикалық жобасына бірауыздан қосылуы деп хабарлайды Arnapress.kz Абай облысы полиция департаментіне сілтеме жасап2026 жылғы 16 ақпанда өткен жалпы ауылдық жиында Көшек ауылы ресми түрде «салауатты ауыл» мәртебесіне ие болды. Іс-шара Жарма ауданы аумағындағы мектеп ғимаратында ұйымдастырылып, оған құқық қорғау органдарының, мемлекеттік мекемелердің, білім беру саласының және қоғамдық ұйымдардың өкілдері, ауыл ақсақалдары мен жастары қатысты.Көшек — 40 ауладан тұратын, 170 тұрғыны бар шағын әрі берекелі елді мекен.

Редакцияға Семей қаласының бірқатар тұрғындарынан, әсіресе 1-4 сынып оқушыларының ата-аналарынан мектепте тегін ұсынылатын ыстық тамақтың дәміне қатысты өтініштер мен шағымдар түскен еді. Олардың айтуынша, бастауыш сыныптағы кей балалар асхана тағамын «дәмсіз» деп бағалап, ішуден немесе жеуден бас тартатын жағдайлар кездеседі.Осыған байланысты Arnapress.kz тілшісі қалалық білім бөліміне ресми сұрау жолдаған болатын.

Семейде әлеуметтік осал топтағы азаматтар мен жетім балалар жаңа баспаналы болды. Қалалық шараға облыс әкімі Берік Уәли қатысты деп хабарлайды Аrnapres.kz Абай облысы әкімі баспасөз қызметіне сілтеме жасап2025 жылы облыс орталығында барлығы 327 жалға берілетін пәтер сатып алынған. Солардың бірі — Ұшақтар кентіндегі 60 пәтерлі бес қабатты тұрғын үй.

Ұлыстың ұлы күні қарсаңында ерекше әлеуметтік бастама қолға алынбақ. Журналист Нұрсейіт Жылқышыбай өзінің Facebook парақшасында жариялаған игі шара туралы Arnapress.kz тілшісіне айтып берді.Оның сөзінше, өзі басқарып отырған компания наурыз айында дүниеге келген және ұлына Кенесары есімін берген алғашқы он отбасыға 400 мың теңге көлемінде жөргекпұл табыстауды жоспарлап отыр.«Алда наурыз айы, Ұлыстың ұлы күні де жақындап келеді.

Ғашықтар күні қарсаңында интернет-алаяқтықтан сақ болуға үндеді деп хабарлайды Аrnapress.kz Ішкі істер министрлігіне сілтеме жасап.Мереке алдында көптеген тұрғындар сүйіктісіне ерекше сыйлық іздеп, онлайн саудаға жүгінеді. Дәл осы кезеңде жеңілдіктер мен жаппай сатылымдар туралы жарнамалар көбейіп, алаяқтар да белсенді әрекет етеді.Ведомствоның мәліметінше, интернет-қылмыскерлер жалған сайттар ашып, әлеуметтік желілер мен мессенджерлер арқылы азаматтарды арзан тауарлармен қызықтырып, ақшасын иемденуге тырысады.Осыған байланысты ІІМ келесі қауіпсіздік ережелерін сақтауға кеңес береді:• тауарды тек сенімді, тексерілген сайттар мен ресми маркетплейстер арқылы сатып алу;• әлеуметтік желілер мен мессенджерлердегі күмәнді сілтемелерді ашпау;• шектен тыс төмен баға ұсынылса, сақ болу — бұл алаяқтықтың белгісі болуы мүмкін;• сатушыдан тауардың нақты бар екенін растауды сұрау;• бейнеқоңырау арқылы дүкеннің нақты мекенжайын көрсетуді талап ету (алаяқтар көбіне мұндай талаптан жалтарып, оның орнына геолокация немесе өңделген сурет жібереді);• төлем жасау кезінде ақшаны жеке шоттарға немесе күмәнді төлем жүйелеріне аудармау.Сонымен қатар ІІМ өкілдері бөгде адамдарға ешқашан құпиясөзді, SMS арқылы келетін кодты, CVV кодты және банк картасының толық мәліметін бермеуді ескертті.Фото: жасанды интеллект арқылы

Абай облысының тұрғыны терроризмді насихаттағаны үшін сотталды, деп хабарлайды Arnapress.kz облыстық прокуратураға сілтеме жасап.Прокуратура мәліметінше, Семей қаласының тұрғыны онлайн-платформалар арқылы террористік сипаттағы материалдарды таратқан. Тергеу деректеріне сәйкес, ол 2024 жылғы шілде мен 2025 жылғы сәуір аралығында TikTok әлеуметтік желісінде анонимді аккаунттар пайдаланып, сондай-ақ азаматтармен жеке хат алмасу барысында терроризмді насихаттайтын контент жариялаған.Таратылған материалдар зорлық-зомбылық идеологиясын насихаттап, террористік қызметті ақтауға бағытталғаны анықталған.«Сот үкімімен айыпталушы Қылмыстық кодекстің 256-бабының 2-бөлігі – «Терроризмді насихаттау немесе терроризм актісін жасауға жария түрде шақыру» бойынша кінәлі деп танылып, 7 жыл мерзімге бас бостандығынан айырылды. Үкім заңды күшіне енді», – делінген прокуратура хабарламасында.Сондай-ақ Бас прокуратура Қазақстан Республикасының аумағында «Ислам мемлекеті» халықаралық террористік ұйымының қызметі террористік деп танылып, оған толық тыйым салынғанын еске салды.Фото: жасанды интеллект арқылы

Семейдегі Шаңырақ продакшнның фавориттерінің бірі – REG18N тобы жуырда өздерінің жаңа альбомын жарыққа шығарды, деп хабарлайды Arnapress.kz тілшісіне берген сұхбатында продюсерлік орталықтың директоры Мадияр Шуленов«Шаңырақ продюсерлік орталығы 2025 жылдың 25 тамызынан бастап тәуелсіз түрде өз жұмысын бастады.

Қабылданған заң аясында кәмелет жасына толмаған балаларға нақты күтім жасаған уақыт енді жұмыс істемейтін әкелер үшін жасына байланысты зейнетақы төлемдерін тағайындау кезінде еңбек өтілі ретінде есепке алынатын болады деп хабарлайды Arnapress.kz мәжілістің баспасөз қызметіне сілтеме жасап.Бұл өзгерістер Конституциялық соттың нормативтік қаулысын іске асыру мақсатында Әлеуметтік кодекске енгізіледі.Сонымен қатар депутаттардың ұсынысына сәйкес, жұмыс берушінің бастамасымен жалғызбасты ата-аналарға (жынысына қарамастан) қатысты еңбек шартын бұзуға тыйым салу көзделген.

2026 жылы кәсіпкерлер үшін салық саласында бірқатар маңызды өзгерістер енгізілді. Негізгі мақсат – арнайы салық режимдерін оңтайландыру жайлы ақпаратпен Arnapress.kz тілшісіне Еркін Сұнғат Еркінұлы Семей қаласы бойынша мемлекеттік кірістер басқармасының жеке кәсіпкерлерді әкімшілендіру бөлімінің басшысы бөлісті. «Осыған байланысты биыл үш арнайы салық режимі қолданысқа енді: өзін-өзі жұмыспен қамтығандарға арналған, оңайлатылған декларация негізіндегі және шаруа немесе фермер қожалықтарына арналған режимдер. Өзін-өзі жұмыспен қамтыған азаматтарға арналған режимді жеке кәсіпкер ретінде тіркелмеген, жалдамалы жұмыскерлері жоқ тұлғалар қолдана алады.

Жыл басынан бері Абай облысында интернет-алаяқтыққа қатысты 68 қылмыс фактісі тіркеліп, азаматтарға келтірілген қаржылық шығын көлемі 110 миллион теңгеден асты, деп хабарлайды Arnapress.kz Облыстық полиция департаментіне сілтеме жасап. Интернет-алаяқтықпен күрес аясында тек қылмыстарды тергеп қана қоймай, алдын алу шараларына да ерекше көңіл бөлуде. Құқық қорғау органдарының мамандары күнделікті негізде тұрғындармен кездесіп, заманауи алаяқтық схемалары туралы түсіндіру жұмыстарын жүргізеді.

Әлеуметтік медициналық сақтандыру қорында кадрлық ауыс-түйіс болып, басқарма төрағасының екі орынбасары тағайындалды деп хабарлайды Arnapress.kz Қордың баспасөз қызметіне сілтеме жасапМедицина саласында ұзақ жыл еңбек еткен Бақытжан Абдуллаев ӘМСҚ басқарма төрағасының орынбасары болып тағайындалған.Ол еңбек жолын Астанадағы №1 қалалық ауруханада санитар және акушер қызметінен бастап, трансфузиолог, хирург-дәрігер, бөлім басшысы, сондай-ақ осы ауруханада бас дәрігердің орынбасары қызметін атқарған.2023 жылдан жаңа қызметіне дейін Шымкент қаласының денсаулық сақтау басқармасы басшысының орынбасары болған.Сондай-ақ Индира Ерденова Әлеуметтік медициналық сақтандыру қоры басқарма төрағасының орынбасары болып тағайындалған.Ол бірнеше жыл Қаржы министрлігінің жүйесінде жұмыс істеген.

Астанада Instagram әлеуметтік желісі арқылы азаматтарды алдаған ер адамға қатысты сот үкімі шықты, деп хабарлайды Аrnapress.kz Астана қаласы прокуратурасына сілтеме жасапТергеу мәліметінше, 2021–2025 жылдар аралығында 30 жастағы ер адам өзін ипотекалық делдал ретінде таныстырып, азаматтардың сеніміне кірген.

Семей қаласында 100 орындық жаңа медициналық-әлеуметтік мекеме пайдалануға берілді. Нысанның ашылу салтанатына Абай облысының әкімі Берік Уәли мен облыс прокуроры Ерлан Абаев қатысты деп хабарлайды Arnapress.kz Абай облысы әкімінің баспасөз қызметіне сілтеме жасапЖаңа ғимарат Мемлекеттік арнаулы қордың қаражаты есебінен «№1 Семей арнаулы әлеуметтік қызметтер көрсету орталығының» аумағында салынған.

Мемлекет басшысының Жарлығымен Светлана Қабыкенқызы Жақыпова Қазақстан Республикасының Еңбек және халықты әлеуметтік қорғау министрі лауазымынан босатылды деп хабарлайды Arnapress.kz Aқордаға сілтеме жасапФото: gov.kz

Бүгінгі Үкімет отырысында Премьер-министр балалардың ақпараттық қауіпсіздігі мәселесіне ерекше назар аударды деп хабарлайды Arnapress.kz ҚР Үкіметіне сілтеме жасап.Үкімет басшысы Оқу-ағарту министрі Жұлдыз Сүлейменовадан балаларды зиянды контенттен қорғау бағытында қандай жұмыстар атқарылып жатқанын сұрады.Министрдің айтуынша, қазіргі таңда қабылданған заңдар аясында балалардың жеке деректері тіркелетін цифрлық платформаларға қойылатын талаптар күшейтілген.

Семей қаласының әкімі Әділет Қожанбаев Жаңасемей ауданының әкімі Нұржан Әбдікәрімовпен бірге Жарқын ауылының тұрғындарымен кездесу өткізді деп хабарлайды Аrnapress.kz Семей қаласы әкімінің баспасөз қызметіне сілтеме жасап. Кездесу барысында елді мекеннің әлеуметтік-экономикалық дамуына қатысты өзекті мәселелер талқыланды.Кездесуде негізгі назар ауылдың аумақтық шекарасына аударылды.

«Абай Жастары» бағдарламасы арқылы 30 үміткер пәтер алуға мүмкіндік алды, деп хабарлайды Arnapress.kz Өңірлік коммуникациялар қызметіне сілтеме жасап. Семей қаласында 2022 жылдан бері 35 жасқа дейінгі жастарға арналған «Абай Жастары» өңірлік тұрғын үй бағдарламасы жүзеге асырылып келеді. Аталған бастама өңір жастарын әлеуметтік қолдауға және тұрғын үйге қолжетімділікті арттыруға бағытталған.Бұл туралы Өңірлік коммуникациялар қызметі алаңында өткен баспасөз мәслихатында Семей қаласының тұрғын үй қатынастары және тұрғын үй инспекциясы бөлімі басшысының міндетін атқарушы Маржан Мақсутхан мәлімдеді.Оның айтуынша, бағдарламаның басты артықшылықтарының бірі — жастарға арналған жеңілдетілген қаржылық шарттардың ұсынылуы.

Балалардың әлеуметтік желіге қолжетімділігін шектеу мәселесі қарастырылып жатқандығын Премьер-министрдің орынбасары – Мәдениет және ақпарат министрі Аида Балаева Үкімет отырысында мәлімдеді, деп хабарлайды Arnapress.kz Үкіметтің баспасөз қызметіне сілтеме жасап. Оның сөзінше, Мәдениет және ақпарат министрлігі 16 жасқа толмаған азаматтар үшін әлеуметтік желілерде тіркеуге тыйым салуды көздейтін онлайн-платформалар мен БАҚ қызметін реттейтін заң жобаларын әзірледі.«Халықтың медиасауатын арттыруға және тәуелсіз БАҚ-ты қолдауға ерекше назар аударылады.

Alina Group 2024 жылдың қорытындысы бойынша «Өндіріс – арнайы салық салу режимі» номинациясында «Үздік салық төлеуші» дипломы атты беделді мемлекеттік награданың лауреаты атанды.2025 жылғы 23 желтоқсанда салтанатты жағдайда Қазақстан Республикасы Қаржы министрлігі мен Мемлекеттік кірістер комитеті атынан Алматы қаласы бойынша Мемлекеттік кірістер департаментінің өкілдері Alina Group өкілдеріне «Үздік салық төлеуші» наградасын табыс етті.

Абай облысында біржолғы зейнетақы төлемін (БЗТ) пайдалану бойынша «Бірыңғай жинақтаушы зейнетақы қоры» АҚ Абай облыстық филиалы 2021 жылдан бері өңір тұрғындары тұрғын үй жағдайын жақсарту мен емделу ақысын төлеу мақсатында зейнетақы жинақтарын пайдалануы жайлы филиал басшысына бірнеше сұрақтар жолдаған едік, — деп хабарлайды Arnapress корреспонденті.Сұрақтар мазмұны мынандай болған еді:1.

Семей қаласының қарқынды дамып жатқан Қарағайлы ықшам ауданындағы Қарағайлы 74 тұрғын үй кешенінде қоныстанған жаңа тұрғындар бірнеше айдан бері шешілмей келе жатқан бірқатар мәселеге шағымдануда. Бұл үйлерде 1000-ға жуық пәтер бар. Сондықтан проблема ауқымы жеке бір үйдің емес, тұтас аудан тұрғындарының алаңдаушылығын тудырып отыр.

Arnapress.kz редакциясы Семей қаласының оқырмандары арасында конкурс ұйымдастырады.Егер сіз маңызды оқиғаға немесе төтенше жағдайға куә болсаңыз, қаламызға қатысты қызықты жаңалығыңыз бар болса, мәселеге назар аудартқыңыз келсе немесе оның шешу жолын көрсеңіз — бізге жазыңыз және сыйлық ұтып алу мүмкіндігіне ие болыңыз!