Стоковые изображения от Depositphotos
Ағымдағы жылдың сәуір айының ортасында Аягөз қаласының көшелерінің бірінде «Құқықтық тәртіп» ЖПІШ өткізу барысында полиция қызметкерлері «ВАЗ -210» маркалы автокөлікті тоқтатты.
ҚР ІІМ арнайы базалары бойынша тексеру барысында, 44 жастағы жүргізуші 2022 жылдың көктемінде Аягөз аудандық сотының шешіміен 7 жыл мерзімге көлік жүргізу құқығынан айырылғаны белгілі болды.
«Сөйлесу барысында жүргізушінің өзін ұстауы тәртіп сақшыларының күдігін тудырған. Ер адамды көлік құралын басқарудан шеттетіп полицейлер оны медициналық куәландыруға жеткізген. Куәландыру нәтижесі 44 жастағы жүргізушінің «орташа дәрежелі» есірткілік масаңдықты көрсетті», — деп хабарлады Абай облысы Полиция департаментінде.
Қазіргі уақытта аталған факт бойынша ҚР ҚК-нің 346-бабы бойынша «басқару құқығынан айырылған адамның көлік құралын басқаруы» бойынша сотқа дейінгі тергеу жүргізілуде.
Жүргізуші уақытша ұстау изоляторына қамалды.
«Облыс аумағында масаң күйінде көлік жүргізуге отырған жүргізушілер аз емес. Жыл басынан бері облыс полицейлері көлік құралдарының жүргізушілерін мас күйінде басқарудың 189 фактісінің жолын кесті. Барлық жүргізушілер жауапкершілікке тартылды», — делінген ресми хабарламада.
Полиция департаменті жол қозғалысына қатысушыларды жол ережелерін қатаң сақтауға шақырады, ең бастысы – олардың салдары өте қайғылы екенін есте сақтау қажет.
Жол қозғалысының әрбір қатысушысы өзінің және басқалардың қауіпсіздігі үшін жауап беретінін естен шығармаңыздар. Сақтық шаралары жол-көлік оқиғаларының санын айтарлықтай азайтуға септігін тигізеді.
Сурет: ашық дереккөздерден алынған, Абай облысы ПД баспасөз қызметі
По сообщению сайта Arna Press