Стоковые изображения от Depositphotos
Абай облысындағы дәмханалар мен мейрамханалар ерекше бақылауға алынады, — деп хабарлайды Arnapress.kz тілшісі облыстық ПД баспасөз қызметіне сілтеме жасап.
Ойын-сауық мекемелері уақыт шектеусіз жұмыс істейді. Көп жағдайда мекемелерде демалуды ұнататындар мас күйінде немесе ішімдік ішкеннен кейін қылмыс жасайды. Семейде 10-нан астам ойын-сауық орындары бейнебақылау камераларысыз жұмыс істейді.
Естеріңізше сала кетейік, жақында Семейде дәмханада төбелес болып, оның барысында жастардың бірі ауыр жарақат алған. Ал аталған жағдай орын алмас бұрын, полиция қызметкерлері дәмханалар мен ойын-сауық орындарының иелеріне қауіпсіздікті қамтамасыз ету мақсатында, бейнебақылау камералары мен жедел әрекет ету дабыл түймесін орнатуға шақырған.
Абай облысы Полиция Департаментінің ақпараты бойынша бұл бағыттағы жұмыс жалғасып, дәмханалар мен мейрамханалар ерекше бақылауға алынды.
Сурет: Абай облысы ПД баспасөз қызметі
По сообщению сайта Arna Press