Стоковые изображения от Depositphotos
Алматыдағы көпқабаттағы үйдегі өрттен зардап шеккен бір әйел қайтыс болды, деп хабарлайды Arnapress.kz тілшісі Zakon.kz сайтына сілтеме жасап.
«Алатау ауданы Ақкент шағын ауданы, 54 мекенжайында болған өртке 23 жедел жәрдем бригадасы, соның ішінде 5 жансақтау бригадасы жұмылдырылды. Барлығы 43 адам зардап шекті. 4 бала жансақтау бөлімінде жатыр, тағы төртеуі медициналық көмек көрсетілгеннен кейін амбулаторлық емдеуге жіберілді, үш баланың ата-анасы ауруханаға жатқызудан бас тартты. 12 ересек қалалық көпбейінді ауруханаларға жеткізілді, соның ішінде 5 адам ауруханаға жатқызылды, басқалары қажетті жедел медициналық көмек көрсетілгеннен кейін амбулаторлық бақылауға жіберілді. Зардап шеккен бір әйел қайтыс болды», деді Алматының қоғамдық денсаулық сақтау басқармасында.
Өрттен зардап шеккен қалған адамдардың жағдайы тұрақты.
Кейбір тұрғындарға оқиға орнында медициналық көмек берілді.
Еске салайық, 1 тамызда Алматыда Ақкент ықшам ауданында көпқабатты үйлердің бірі өртенді. Бас сауғалаған адамдар терезеден секірді. Өрт орнынан түсірілген видеолар әлеуметтік желілерде тарады. 300 адам эвакуацияланып, 70-ке жуық адам құтқарылды.
Сағат 18:46-да өрт сөндірілді.
Сурет: Zakon.kz
По сообщению сайта Arna Press