Стоковые изображения от Depositphotos
5 шілдеде сағат 12:30 шамасында Абай облысы Жедел басқару орталығының қызметкерлері бейнебақылау камераларының көмегімен жол қозғалысы ережелерін бірнеше рет бұзып, көшеде жоғары жылдамдықпен жүріп өткен ВАЗ 21114 маркалы автокөлігін тоқтатты, — деп хабарлайды Arnapress.kz тілшісі облыстық Полиция Департаментінің баспасөз қызметіне сілтеме жасап.
Құжаттарын тексеру кезінде қызметкерлер жүргізушінің көлік құралына жалған мемлекеттік-тіркеу нөмірлік белгісін тағып қойғанын анықтайды.
«Көрінеу жалған немесе жалған нөмірлік белгілері бар автокөлікті басқарғаны үшін ҚР ӘҚБтК-нің 590-бабы 4-бөлігі бойынша жүргізушінің үстінен әкімшілік іс қозғалды. Материал іс жүргізу шешімін қабылдау үшін Семей қаласының мамандандырылған әкімшілік сотына жіберілді», — делінген хабарламада.
Ал көлік құралы болса арнайы айып тұрағына қамалды. Жүргізуші 5 тәуілікке қамалып, бір жыл мерзімге көлік құралдарын басқару құқығынан айырылуы мүмкін.
Сурет: ашық дереккөздерден алынған
По сообщению сайта Arna Press