Стоковые изображения от Depositphotos
Алматының бас санитария дәрігері Жандарбек Бекшин вакцинация паспортын қолдан жасағандар қалай екпе алатынын айтты, — деп хабарлайды Tengrinews.kz тілшісі.
Жандарбек Бекшин жалған вакцинация паспортын жасағандар кейін ойынан айнып, екпе алғысы келсе, оны ақылы түрде өткізуді қолдайтынын айтты.
«Бұл мәселе Қоғамдық денсаулық сақтау департаментінің бақылауында. Көп жағдайда вакцина төгілді, олар үкіметке де, қоғамға да зиян тигізіп отыр. Сондықтан өз қалтасынан вакцинациядан өткізуге мәжбүрлеу керек», — деді қаланың бас санитария дәрігері.
Алматы қаласы Қоғамдық денсаулық басқармасының басшысы Нариман Табынбаев қазір бұл мәселе қаралып жатқанын айтты.
«Денсаулық сақтау министрлігінде жалған вакцина паспортын алғандарға амнистия қаралып жатқан сияқты. Бірақ жалпы олардың біздің мемлекет қаржысына жекеше зиян келітірп жатқанын біз де түсінеміз. Сондықтан бұған жеңіл қарауға болмайды», — дейді Нариман Табынбаев.
Ол адам қателігін мойындап, вакцина алғысы келсе де дәл қазір екпе салдыра алмайтынын айтты. Себебі базада оларда вакцина алды деп тұр.
По сообщению сайта Tengrinews