Лионель Месси тағы бір тарихи белесті бағындырды. Аргентиналық шабуылшы кәсіби мансабындағы 900-ші голын соғып, әлем футболындағы аңыз ретіндегі мәртебесін тағы бір мәрте дәлелдеді.
Бұл жетістік — оның ұзақ жылғы тұрақтылығы мен жоғары деңгейінің айқын көрінісі. Месси клубтық және халықаралық деңгейде үздік ойын көрсетіп келеді: «Барселона» сапында 672 гол, «ПСЖ»-да 32, «Интер Майами» үшін 81 және Аргентина құрамасында 115 рет гол соққан.
«Барселона» түлегі ретінде ол клуб тарихындағы ең ұлы ойыншылардың біріне айналды. Каталониялық командамен бірге төрт рет Чемпиондар лигасын жеңіп алып, ондаған ішкі турнирлерде топ жарды.
2022 жылы әлем чемпионы атанып, екі мәрте Америка кубогын жеңіп алды. Сонымен қатар, ол сегіз рет «Алтын доп» иегері атанды.
Қазіргі таңда Месси АҚШ-тың «Интер Майами» клубында өнер көрсетіп жүр.
По сообщению сайта SportInfo