5 наурызда премьер-министр республикалық штаб отырысының қорытындысы бойынша мемлекеттік органдарға су тасқыны қаупіне байланысты бірқатар тапсырма берді, деп хабарлайды Arnapress.kz. Үкіметтің баспасөз қызметіне сілтеме жасап
Үкіметтің баспасөз қызметінің мәліметінше, премьер-министрдің орынбасары Қанат Бозымбаев Ақмола, Солтүстік Қазақстан, Қарағанды, Шығыс Қазақстан және Абай облыстарында мұз қабатының қалыңдығы 4 сантиметрге дейін жетіп, топырақтың 2 метрге дейін қатқаны байқалғанын айтты.
Премьер-министр экология министрлігіне гидрологиялық мониторинг жүргізіп, ауа райына қатысты ескертулерді дер кезінде жеткізуді тапсырды. Сондай-ақ Tasqyn ақпараттық жүйесін пайдаланып, су тасқыны тәуекелдерін бақылау қажеттігін атап өтті.
Су ресурстары министрлігіне су қоймаларын бақылау, қажет болған жағдайда қауіпсіз су жіберу шараларын қабылдау міндеттелді. Ал көлік министрлігі жолдар, көпірлер және су өткізу құбырларының жағдайын тәулік бойы бақылауға алуы тиіс.
Өңір әкімдіктеріне қар шығару, елді мекендерді бөгеттермен бекіту, азық-түлік пен жанар-жағармай қорын дайындау тапсырылды. Төтенше жағдайлар министрлігі мен ішкі істер органдарына су басу қаупі туындаған жағдайда тұрғындарды эвакуациялауға дайын болу жүктелді.
Су тасқынына қарсы жұмыстарды үйлестіру премьер-министрдің орынбасары Қанат Бозымбаевқа тапсырылды.
Фото: жасанды интеллект арқылы
По сообщению сайта Arna Press