Семей қаласының күніне арналған мәдени-спорттық шаралар аясында 19 қыркүйек күні аударыспақтан облыстық жарыс өтеді, деп хабарлайды Arnapress.kz қала әкімдігінің баспасөзіне сілтеме жасап.
19 қыркүйек күні, сағат 09:00 Абай облысының аудандары мен Семей қаласынан жиналған үздік спортшылар ұлттық спорттың бірегей түрі – аударыспақтан өзара мықтыны анықтайды. Бұл дүбірлі дода білікті жаттықтырушы, спорт шебері, жоғары дәрежедегі ұлттық спорт төрешісі, аударыспақтан Қазақстан Республикасы чемпионатының 3 дүркін жеңімпазы – Отынбаев Мақсұтхан Шәріпханұлының жүлдесіне арналады.
Жарыс барысында спортшылар үш салмақ дәрежесі бойынша бақ сынайды:
Жеңіл салмақ — 68 кг
Орта салмақ — 74 кг
Ауыр салмақ — 87+ кг
Жарыстың жүлде қоры демеушілердің қолдауымен қалыптастырылды. Туған қаласының дамуына үлес қосып жүрген елжанды кәсіпкерлер ұлттық спортты қолдап, Семей қаласының күніне орай ұйымдастырылатын жарыстың өтуіне өз үлестерін қосуда.
Бас төреші: Дәурен Төлеуғали
8 778 333 70 87
Ұлттық спортты ұлықтайтын тартысты сайысты тамашалауға барша қала тұрғындары мен қонақтарын шақырады.
Фото: ЖИ
По сообщению сайта Arna Press