Стоковые изображения от Depositphotos
Абай облысының 2024-2026 жылдарға арналған жазғы каникул кезеңінде балалардың сауықтыру демалысын, олардың бос уақытын тиімді ұйымдастыру жөніндегі іс-шаралар жоспары бекітілді, деп хабарлайды Arnapress.kz тілшісі облыстық әкімдігінің баспасөз қызметіне сілтеме жасап.
Жаз айларында 10 450 баланы қамтитын 120 мектеп жанындағы лагерь мен қосымша білім беру ұйымдарында, мәдениет үйлерінде және балалар-жасөспірімдер спорт мектептерінде 299 бейіндік алаң жұмыс істейді. Олар 79 438 бала қамти алады.
Сондай-ақ, 3 айда 17 800 баланының жазғы каникулын көңілді өткізу үшін 24 қосымша білім беру ұйымының жұмысы жоспарлануда. Аула клубтары мен туризм орталықтарының тәрбиеленушілері үшін жаяу серуендеу және суда жүзу ұйымдастырылмақшы. Сондай-ақ, аула футболының 1500-ден астам тәрбиеленушісі «Былғары доп»өңіраралық турниріне қатысады.
Тарихи-мәдени мұраны сақтау және балалар туризмін дамыту мақсатында өңірде «Жаңалық жолы» жаңа жобасы іске асырылуда. Жоба аясында 1200 баланы қамтитын 80 өлкетану жасағы құрылады. Жас өлкетанушылар өңірдің тарихи орындары мен көрікті жерлеріне саяхаттауға мүмкіндік алады.
Шәкәрім атындағы университетімен бірлескен «JAS AKADEMIK – 2024» жазғы мектебін ұйымдастыру бойынша жұмыс жалғасады. Онда 130 дарынды балаларымыз теориялық білімдерін тереңдетіп, түрлі деңгейдегі олимпиадаларға дайындалуға мүмкіндік алады.
Сурет. Абай облысы әкімдігінің баспасөз қызметі
По сообщению сайта Arna Press