Стоковые изображения от Depositphotos
Дәрігерлердің ұсыныстары тұтынушыға ғана емес, өндірушіге де қатысты. Тамақ ішетін арнайы мекемелердегі тазалық пен тәртіпті қатаң сақтау керек, деп хабарлайды Arnapress.kz тілшісі Абай облысының Өңірлік коммуникация қызметіне сілтеме жасап.
Абай облысының өңірлік коммуникациялар қызметінде өткен баспасөз конференциясында Облыстық санитарлық-эпидемиологиялық бақылау департаменті бөлім басшысы Әйгерім Мұсатаева атап өткендей, қоғамдық тамақтану жүйесінің рөлі артып келеді, сондықтан оның эпидемиологиялық құрамдас бөлігін мұқият бақылау қажет.
Микробтық табиғаттың тамақтан улануының алдын алудың негізгі принциптері тағамның микроорганизмдермен ластануының алдын алу, микроорганизмдердің көбеюіне және тамақ өнімдерінде токсиндердің пайда болуына жол бермеу, тамақ өнімдеріндегі микроорганизмдерді оларды аспаздық өңдеу процесінде жою, өнімдерді бастапқы өңдеудің санитарлық ережелерін қатаң сақтау болып табылады. Абай облысында барлығы 2 298 тамақтану нысаны тіркелген. Оның ішінде қоғамдық тамақтандыру кәсіпорындары 632, — деді Әйгерім Мұсатаева.
Абай облысы бойынша 2023 жылы халық арасында жаппай тамақтан улану және ботулизм аурулары тіркелмеген. Сондай-ақ, спикер улануды болдырмау үшін сақталуы тиіс негізгі ережелерді еске салды. Ең алдымен, жұмыс орнында тазалықты сақтау керек, тамақтанар алдында және жуынатын бөлмеге барғаннан кейін қолыңызды жуыну қажет, шикі және дайын өнімдерді бірге сақтамаңыз, кездейсоқ жерлерде немесе бейтаныс адамдардан азық-түлік сатып алмаған дұрыс.
2024 жылдың бес айында Семей қаласы бойынша сальмонеллездің 12 жағдайы тіркелгенін. Бұл туралы «Семей қалалық санитарлық-эпидемиологиялық бақылау басқармасының» РММ бөлім басшысы Динара Тілекина атап өтті.
Ішек инфекциясының қоздырғыштарының көздері ауру адам, бактериотасымалдаушы (ағзасында ішек инфекциясының қоздырғыштары бар іс жүзінде сау адам), сондай-ақ микробтарды ішектен қоршаған ортаға шығаратын жануарлар болып табылады. Жедел ішек инфекцияларына бейімділік айтарлықтай жоғары. Ішек инфекцияларының қоздырғыштары адам ағзасына тамақпен, сумен, кішкентай балаларда лас қолдар мен ойыншықтар арқылы енеді, жуылмаған көкөністер мен жемістер, қайнатылмаған суда болуы мүмкін, — деп атады Динара Тілекина.
Халық арасында тамақтан улану мен жұқпалы аурулардың пайда болуына жол бермеу мақсатында сақтық танытып, халықтың санитарлық-эпидемиологиялық салауаттылығы саласында профилактикалық іс-шаралар Семей қаласында жоспар бойынша жүргізілуде.
Семей қалалық санитарлық-эпидемиологиялық бақылау басқармасының мамандары қоғамдық тамақтану нысандарымен түсіндіру жұмыстарын жүргізді. Семей қаласы бойынша тамақтан уланудың алдын алу аясында қоғамдық тамақтану нысандарына бақылау жүргізілуде, түсіндіру жұмыстарымен 38 кәсіпкерлік субъектісі қамтылды, — деп қорытындылады «Семей қалалық санитарлық-эпидемиологиялық бақылау басқармасының» РММ басшысының орынбасарының м.а Әділ Қалдыбатыр.
Сурет: Абай облысының Өңірлік коммуникация қызметі
По сообщению сайта Arna Press