Стоковые изображения от Depositphotos
Шымкентте көпқабатты үйдің тұрғындары аулада нашақорлар көбейгеніне шағымданды, — деп хабарлайды Arnapress.kz тілшісі nur.kz сайтына сілтеме жасап.
Тұрғындардың айтуынша, ықшамаудан маңайында нашақорлар мен есірткі жасырушылар қаптаған. Бұл туралы Otyrar.kz жазды.
Басылым тұрғындардың сөзіне сүйеніп жазуынша, көпқабатты үйлердің артқы ауласында нашақорлар мен есірткі жасырушылардың орнына айналған аумақ бар. Учаскеде көптеген шприц жатқан.
«Жақында біз бұл жерді жинастырған едік, 500 шприц таптық. Бұл тек кешкі уақытта жиналған шприцтер. Бұл жер нашақорлардың притоны, біз олармен күресіп жүргенімізге үш жыл болды», — деді жергілікті тұрғын.
Тұрғындардың айтуынша, көпқабатты үйдің артында қараусыз қалған қазаншұңқыр бар, жаңбыр кезінде ол суға толады. Тұрғындар шұңқырға балалар құлап кетуі мүмкін деп алаңдайды. Жергілікті тұрғындар шұңқыр орнына саябақ және нашақорларға арналған баспана салуды сұрап отыр.
«Ол жерде су жиналып қалады, бірақ судың ағатын жері бар ма? Сондықтан үйлеріміздің астына ағады. Бұл шұңқырдың барына 4 жыл болды. Жазда шаң ұшады, ал балалар ол шаң-тозаңмен дем алып, лайда ойнауға мәжбүр», — деп шағымданады қала тұрғыны Болат Қасымбеков.
Басылым ақпаратынша, жергілікті тұрғындардың мәселесін шешу оңай емес. Шұңқыр қазылған жер жеке меншікке тиесілі екені белгілі болды.
«Шприцтерге келсек, біз оны көріп, аумақты тазалап, құзырлы органдарға жүгіндік, олар бұл жерде рейд ұйымдастыруға тиіс. Бізден мұнда саябақ салуды сұрайды, бірақ оны сала алмаймыз. Мұнда шұңқыр қазылған, ал ол жеке тұлғаның меншігі, құрылыс басталғалы жатыр. Кәсіпкерге түсіндіру жұмыстарын жүргіздік», — деді Қаратау ауданы әкімінің орынбасары Құдайберген Қалдықараев.
Сондай-ақ жергілікті тұрғындар қоқыс жинайтын контейнерлердің айналасында қоршаулар тұрғызуды сұрады. Себебі қоқыс қалдықтарын жабайы аңдар бүкіл аумаққа тасымалдайды. Жергілікті әкімдік өкілдерінің сөзіне сенсек, бұл мақсатқа ақша бөлінсе, мәселе шешіледі.
Сурет: otyrar.kz
По сообщению сайта Arna Press