Стоковые изображения от Depositphotos
Абай облысында орман өртінде қаза тапқан Мейрамгүл Жиенбаеваның туыстары оның жүктілігі туралы ақпаратты жоққа шығарды, деп хабарлайды Arnapress.kz тілшісі.
Мейрамгүл Жиенбаева «Семей орманы» Новошульба филиалының Успенское орманшылығын басқарды. Өрт болған күні ол әріптестерімен бірге қызыл жалынды сөндіруге барып, әріптестерімен бірге қызметтік борышын өтеймін деп ажал құшты.
Кейінірек әлеуметтік желілер мен БАҚ-та қаза болған Мейрамгүл Жиенбаева жүкті болғаны туралы ақпарат пайда болды. Бұл туралы марқұмның құрбысы Шолпан Кенжебаева мәлімдеді.
Алайда, Мейрамгүлдің туған әпкесі бұл ақпаратты жоққа шығарды. Әпкелі-сіңілдер әрқашан сырымен бөлісетін және бұл туралы әңгіме мүлдем болмағанын айтады.
«Біреу алты ай, біреу жүктіліктің төрт айы дейді. Бұл қауесеттер қайдан шыққаны түсініксіз. Егер ол шынымен жүкті болса, біз білер едік. Тіпті оның жұбайы да бұл ақпаратты жоққа шығарады», − деді марқұмның әпкесі Гүлбақыт.
Сонымен қатар бұл ақпаратпен бөліскен Шолпан есімді құрбысы Мейрамгүлде ешқашан болған емес.
«Жалпы, біз Мейрамгүлдің барлық достары мен құрбыларын білмейміз. Оның мұндай құрбысы ешқашан болған емес және әріптестерінің арасында да Шолпан есімді ешкім жоқ. Мен оның барлық таныстарын білемін, біз әрқашан туған күнінде кездесетінбіз», — дейді Гүлбақыт.
Марқұмның артында екі баласы қалды — 15 жасар ұлы мен төрт жасар қызы. Туыстарының айтуынша қаза болғандарға байланысты көптеген қауесеттер бар. Тіпті Мейрамгүлдің жұбайы да өрт кезінде қайтыс болды, ал балалар «жетім қалды» деп халыққа ақпарат таратып жатыр.
«Кейбіреулер оның жұбайы жансақтау бөлімінде, тағы басқасы әйелімен бірге қайтыс болды деп жазады. Оның күйеуі балаларымен қазір біздің үйімізде», — деді қаза болған Мейрамгүлдің әпкесі.
Успенское орманшылығының басшысы Мейрамгүл Жиенбаева Успенка ауылында тұрған. Әпкесі, Мейрамгүл өзінің жұмысын жақсы көретін және әріптестерімен жақын болғанын есіне алады. Жақын арада ұлы колледжге оқуға түсуі керек еді, сондықтан ол жұмыстан шығып, қалаға көшпек болған. Дегенмен, Мейрамгүл жұмыс орнымен қоштасқысы келмей жүргенін айтты.
«Біз оның әріптестерін жақсы білетінбіз. Олардың барлығы өте мейірімді. Бір үлкен отбасы сияқты болатын», − дейді Гүлбақыт.
Тараған көптеген жалған ақпаратқа байланысты, марқұмның туыстарына хабарламалар мен сұрақтар түсуі тоқтамай жатыр. Қиын жағдайда бұл «құлағанның үстіне жұдырық», деп жылайды әпкесі.
Қаза болған Мейрамгүл Жиенбаеваның туыстары жалған және тексерілмеген ақпаратты таратпауды сұрайды.
Arnapress.kz тілшісі
По сообщению сайта Arna Press