Стоковые изображения от Depositphotos
Ұлы Отан соғысындағы Жеңістің 78 жылдығына орай Абай облысының 2 692 тұрғыны біржолғы төлем алады. Олардың қатарында ҰОС ардагерлері, концлагерьлердің бұрынғы тұтқындары, тыл еңбеккерлері және т. б. бар, — деп хабарлайды Arnapress.kz тілшісі облыстық әкімдіктің баспасөз қызметіне сілтеме жасап.
Мәселен, облыста тұратын Ұлы Отан соғысының 12 қатысушысына Жеңіс күніне 1,5 миллион теңгеден төленеді.
Облыста Ленинградты қоршау кезеңінде қала кәсіпорнында жұмыс істеген және «Қоршаудағы Ленинград тұрғыны» белгісімен марапатталған бір адам қалды. Оған 150 мың теңге төленеді. Екінші дүниежүзілік соғыс кезінде фашистер мен олардың одақтастары құрған концлагерьлердің, геттолардың және басқа да мәжбүрлі ұстау орындарының бұрынғы кәмелетке толмаған тұтқындары да 150 мың теңгеден біржолғы төлем ретінде алады. Облыста мұндай үш адам бар.
— Ұлы Отан соғысының 119 қайтыс болған мүгедектігі бар азаматтардың жұбайларына немесе жеңілдіктері бойынша Ұлы Отан соғысының мүгедектігі бар азаматтарға теңестірілген адамдарға, сондай-ақ қайтыс болған соғысқа қатысушының, партизанның, «Ленинградты қорғағаны үшін» медалімен немесе «Қоршаудағы Ленинград тұрғынына» белгісімен марапатталған, жалпы сырқаттану, еңбек жарақаты және басқа да себептер салдарынан мүгедектігі бар деп танылған азаматтың жұбайларына 150 мың теңгеден аударылады, — делінген хабарламада.
Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған облыс тұрғындары да осындай сомаға ие болады. Аймақта бұл санаттағы 42 адам бар.
1941 жылғы 22 маусымнан бастап 1945 жылғы 9 мамырға дейін кемінде алты ай жұмыс істеген (қызмет еткен) және ҰОС жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен марапатталмаған 2 515 адамға мереке құрметіне 70 мың теңгеден төленеді.
Сурет: ашық көздерден алынған
По сообщению сайта Arna Press