Стоковые изображения от Depositphotos
Алматы облысында жол апатынан екі адам мерт болды, деп хабарлайды Arnapress.kz Tengrinews.kz-ке сілтеме жасап.
30 қаңтарда Алматы мен Қонаев қалаларының ортасындағы тасжолда жол апаты болды. Mercedes-Benz автокөлігін тізгіндеген жүргізуші аса жоғары жылдамдықпен келе жатып Ford автокөлігіне соғысқан.
Ford автокөлігі жолдың сыртына шығып кетіп, ізінше көліктен өрт те шыққан. Жүргізуші мен жолаушы оқиға орнында қаза болды. Ал Mercedes-Benz автокөлігінің жүргізушісіне көмек беріліп жатыр.
Алматы облысы Полиция департаменті бастығының бірінші орынбасары Мейрам Әбікеев тұрғындарға жол ережесін сақтап, жылдамдықты асырмауды ескертті.
Қазір қажетті сараптамалар тағайындалып, оқиғаның барлық мән-жайы анықталып жатыр.
Аталған факті бойынша Қонаев полиция басқармасы ҚР Қылмыстық кодекстің 345-бабының 4-бөлігі бойынша қылмыстық іс қозғады.
Фото: Tengrinews.kz
По сообщению сайта Arna Press