Стоковые изображения от Depositphotos
Семейдің орталық алаңында мұз лабиринті салына бастады, деп хабарлайды Arnapress.kz тілшісі.
Естеріңізге сала кетейік, әкімдік алаңда демалу үшін қысқы кеңістіктің пайда болуын 2022 жылдың қараша айында жариялаған болатын. Қала тұрғындарына желтоқсан айында мұз айдыны, мұз қалашығы, лабиринт және Фаст-фуд пен ыстық шай бар павильондар салынады деп уәде етілді.
Мұз айдыны, сырғанақ және павильондар Жаңа жылға дейін орнатылды. Бірақ қала тұрғындары уәде етілген лабиринтті көрген жоқ. Оның құрылысы қаңтар айының ортасында ғана басталды. Жақында алаңда жұмысшылар тобымен мұз кірпіштер пайда болды.
Неліктен лабиринтті енді ғана сала бастағанын сұраған Arnapress.kz тілшісіне қала әкімдігі жауап бере алмады. Жұмыстың аяқталу мерзімі де айтылған жоқ.
Arnapress.kz тілшісі салынып жатқан мұз нысанына барып, жұмысшылармен әңгімелесті. Арасында бастық болмағандықтан, ақпаратты білу де оңайға соққан жоқ. Алайда жұмысшылар не салынатынын алдың күні ғана білгенін айтты. Оларда лабиринттің нақты эскизі жоқ, тек мұз блоктарының орналасу схемасы берілді. Құрылымның қалай болатынын уақыт көрсетеді. Жұмыс барысында мұз блоктарының қажетті саны да нақтыланатын болады. Қазір осындай 500-ден астам «кірпіш» әкелінді, дейді жұмысшылар.
Жұмысшылардың айтуынша, олар құрылыстың белгілі аяқталу мерзімін білмейді. Бірақ болжамдары бойынша, мұз лабиринтін құруға бір апта уақыт кетеді.
Фото: Arnapress.kz
По сообщению сайта Arna Press