Стоковые изображения от Depositphotos
«Salyqbot» шотты бұғаттан шығару және жеке тұлғалардың салықтары бойынша жедел көмек көрсету қызметін іске қосты, деп хабарлайды Arnapress.kz ҚР ҚМ Мемлекеттік кірістер комитетінің баспасөз қызметіне сілтеме жасап.
2022 жылдың 7 желтоқсанынан бастап Қазақстан Республикасы Қаржы министрлігі Мемлекеттік кірістер комитетінің «Salyqbot» Telegram-каналында салық төлеушілерге жедел көмектің екі қызметі іске қосылды: «Шотты бұғаттан шығару» және «Жеке тұлғалардың салықтары бойынша көмек».
«Бұл қызметтер «бір рет басу» арқылы банктік шоттар бойынша бұғаттау себептерін анықтау үшін өтінім жіберуге немесе мүлік салығы, жер салығы, көлік құралдары салығы бойынша көмек алуға мүмкіндік береді. Көрсетілген қызметтер бойынша «Salyqbot» пайдаланушыларына сұрау жіберу үшін өңірді (облысты/қаланы) көрсету жеткілікті, содан кейін 24 сағат ішінде Мемлекеттік кірістер органдарының қызметкері егжей-тегжейлі ақпарат беру үшін салық төлеушімен байланысады», – деп хабарлайды Мемлекеттік кірістер комитетінің баспасөз қызметі.
Бұл қызметтерге кіру үшін https//t.me/SalyqBot?start=arrest («Шотты бұғаттан шығару»), https//t.me/SalyqBot?start=naloq («Жеке тұлғалардың салықтары бойынша көмек») сілтемелеріне өту қажет.
Немесе автоматты түрде «Salyqbot» қосымшасына аударылатын QR-кодты пайдалану жеткілікті. Телефон камерасын немесе кез-келген браузердің камерасын (Google, Yandex және т.б.) QR-кодқа бағыттаңыз.
Осылайша, салық төлеушілердің мемлекеттік кірістер органдарымен байланысының тағы бір арнасы пайда болды. Енді ақпаратты 1414 (3) Байланыс орталығына қоңырау шалу арқылы немесе Мемлекеттік кірістер органдарына бару арқылы ғана емес, сонымен қатар онлайн сілтемелер мен QR-коды арқылы оңай және қарапайым түрде ала аласыз.
1) Шотты бұғаттан шығару;
2) Жеке тұлғалардың салықтары бойынша көмек;
Фото: ҚР ҚМ Мемлекеттік кірістер комитетінің баспасөз қызметі, ru.epicstars.com
По сообщению сайта Arna Press