еска: новости — страница 3

Атырауда пойыз жолаушылар автобусына соқтығысты, — деп хабарлайды Arnapress.kz тілшісі Tengrinews.kz сайтына сілтеме жасап.«Мой город» басылымының ақпараты бойынша оқиға 11 шілдеде сағат 14:00 шамасында болған. Атырау облыстық Полиция департаментінің баспасөз қызметі мәліметінше, Рауан көшесі бойындағы теміржол өткелінде №2 бағыттағы пойыз бен жолаушылар автобусы соқтығысқан.

Өткен жылы Ертістің оң жағалауындағы жағажайды өз күшімен жабдықтаған Ержан Амарханов, бүгінде қала әкімдігі аталған демалыс орнын тартып алғысы келетінін айтады, — деп хабарлайды Arnapress.kz тілшісі. Өткен жылы қала тұрғыны Ертістің жағасына өз қаражатына құм әкеліп, күннен қоғайтын шатыр орнатты.

Аталмыш сайыста гарнизондағы «Шығыс» өңірлік қолбасшылығы әскерлері қолбасшылығы басқармасы, әскери полиция басқармасы, сондай-ақ 28738, 44793 және 32388 әскери бөлімдері сынға түсті, — деп хабарлайды деп Arnapress.kz тілшісі өңірлік қолбасшылықтың баспасөз қызметіне сілтеме жасап.Жеке құрамның дене дайындық деңгейімен қатар құжаттаманы жүргізу тәртібі, оқу-жаттығу және спорттық даярлық жағдайын бағалау үшін Бас штабтың жауынгерлік даярлық департаменті дене даярлау басқармасының аға офицерлері майор Олжас Сердалиев пен подполковник Серік Давлеталиев спорттық шараға арнайы қатысты.Дайындық деңгейі физикалық жылдамдық, күш және төзімділік қасиеттерімен сарапталды. Әскери қызметшілердің жылдамдығы жүгірумен қатар кедергілерден өту жаттығуларында сыналса, алып күштің әлеуеті 24 келі гір тасын жұлқа көтеруде айдан-анық белгілі болы. Әскери қызметшілердің болаттай берік, темірдей төзімділігі автоматпен 1 ​​км, 3 км және 5 км маршқа жүгіруде бағаланды.

Қаржы нарығын реттеу және дамыту агенттігі Қазақстанда таратылу сатысында тұрған банктердің тізімін атады, — деп хабарлайды Arnapress.kz тілшісі Tengrinews.kz сайтына сілтеме жасап.Ведомство мәліметінше, қазіргі уақытта Қазақстан нарығында 21 екінші деңгейлі банк жұмыс істейді.Салыстырмалы түрде ұзақ уақыт бойы тарату рәсімінен өтіп жатқан 9 банк бар, олар:2006 жылғы 26 желтоқсанда лицензиясынан айырылған «Валют-транзит банк» 2007 жылғы 1 наурыздан бастап тарату процесінен өтіп жатыр;Еске салайық, «Ашық НҚА» порталында 26 шілдеге дейін «Қазақстан Республикасының кейбір заңнамалық актілеріне қаржы ұйымдарының қызметін реттеу және қаржылық қызметтерді тұтынушылардың құқықтарын қорғау мәселелері бойынша өзгерістер мен толықтырулар енгізу туралы» құжат талқыланып жатыр.

Тоқаев «Қазақстан Республикасының 2030 жылға дейінгі мемлекеттік қаржыны басқару тұжырымдамасын бекіту туралы» Қазақстан Республикасы Президентінің 2022 жылғы 10 қыркүйектегі өзгерістер мен толықтырулар енгізу туралы №1005 жарлыққа қол қойды, — деп хабарлайды Arnapress.kz тілшісі Tengrinews.kz сайтына сілтеме жасап.«ҚРҰҚ қаражатын пайдалану» тарауына мынадай мазмұндағы қосымша тармақша енгізіледі: «нысаналы талаптарды төлеу түрінде және Қазақстан Республикасының заңнамасына сәйкес нысаналы жинақтарды аударуға және төлеуге байланысты банк қызметтеріне ақы төлеу жөніндегі шығыстарды жабуға, нысаналы талаптарға Қазақстан Республикасының он сегіз жасқа толмаған азаматтары алдындағы жыл сайын ҚРҰҚ-ның есепті жыл алдындағы он сегіз жылдағы орташаланған инвестициялық табысының 50 пайызы есебінен қалыптастырылатын және есепті жылдың алдындағы он сегіз жылдағы орташаланған инвестициялық табыстың осы сомаға жыл сайын есептелетін міндеттемелері жатады».Ұлттық қордың активтерін сенімгерлік басқаруды Ұлттық банк жүзеге асырады, Ұлттық қорды пайдалану мәселелері бойынша президентке — Ұлттық қорды басқару жөніндегі кеңес жәрдем көрсетеді және ұсынымдар әзірлейді.Жарлық қол қойылған күнінен бастап қолданысқа енгізіледі.Осыған дейін Қаржы министрлігі «Балаларға арналған ұлттық қор» жобасын қалай және қашан жүзеге асыру жоспарланғанын айтқан болатын.Еске сала кетейік, Мемлекет басшысы 2022 жылғы 1 қыркүйектегі Жолдауында 2024 жылдың 1 қаңтарынан бастап іске қосылатын «Балаларға арналған ұлттық қор» жобасын іске қосу туралы бастама көтерген болатын.Осы жылдың 1 тамызына дейін Ұлттық қордың аудитінің қорытындысы бойынша жылдық есепті бекіту жоспарланып отыр.

Дәрігерлер ыстық ауа райында қарқынды физикалық белсенділік жүрек-қантамыр жүйесіне кері әсер етуі мүмкін екенін ескертті, деп хабарлайды Arnapress.kz тілшісі Zakon.kz сайтына сілтеме жасап.«Известия» басылымына берген сұхбатында терапевт дәрігер Елена Тихомирова ыстықта жаттыққан кезде сусыздану, шаршау, жүрек айнуы, бас айналу, бас ауруы, дененің құрысуы, зейіннің төмендеуі сияқты жағдайлар туындауы мүмкін екенін де еске салды.Елена Тихомирова жаттығу кезінде кофе мен ішімдік ішуге болмайтынын атап өтті, өйткені одан ағза сусыздана түседі.Терапевт таңертең немесе кешкі уақытта, ауа температурасы төмендеген кезде жаттығуға кеңес берді, ал егер ыстық қайтпаған кезде жаттығуға тура келетін болса, жаттығуды кондиционері бар бөлмеде жасаған жөн екенін айтты.

Танымал әнші Төреғали Төреәлінің жұбайы Толқын Тұрарбекқызы даулы мәселеге қатысты пікір білдірді, — деп хабарлайды Massaget.kz тілшісі. Өнер иесінің жары қандай жағдай болса да күйеуін қолдайтынын айтты. «Бүкіл әлем менің жарыма қарсы соғыс ашса, мен оның артында тұрып, оғын алып беремін» деген сөздер, менің жүрегімде жатталып қалғандай… Иә, бүкіл әлем сенің жарыңа қарсы болғанда, сезімдер тым бөлек.

Түркістан және Кентау қалаларының экс-әкімі ісі бойынша сотта бас жәбірленуші – Alageum Group иесі Сайдулла Қожабаевтан жауап алынып жатыр, деп хабарлайды vera.kzБұл зардап шеккен миллионерден жауап алудың жалғасы, ол онлайн форматта жүргізілді. Сайдулла Қожабаев сотқа 2013 жылғы оқиғалардың мән жайын өз нұсқасында айтып бергеннен кейін, одан жауап алуға сотталушы Аюповтың адвокаттары кірісті. Өндірушінің көрсеткіштерін мына сілтемеден оқуға болады.

Шымкент билігі оқиғаға назар аударды, — деп хабарлайды Arnapress.kz тілшісі Tengrinews.kz сілтеме жасап.Еске салайық, Қазақстандағы жануарларды қорғау қауымдастығы Instagram-парақшасында жануарларды алау қызметі орнынан жантүршігерлік кадрларды жариялаған болатын – еденде тізілген ондаған мысықтың денесі, басы мен табаны кесілген мысық.Мемлекеттік мекемедегі қатыгездік Қазнетті ашуландырды.

Тергеу мүддесіне байланысты соталды тергеп-тексеру деректері жария етілмейді. Алайда қылмыс жасаған күдікті 7 жылдан 12 жылға дейін бас бостандығынан айырылуы мүмкін екені белгілі болды, — деп хабарлайды Arnapress.kz тілшісі Tengrinews.kz-ке сілтеме жасап.«Бұл дерек Қазақстан Республикасы Қылмыстық кодексінің 261-бабы 2-бөлігі («Кепілге алу») бойынша соталды тергеп-тексерудің бірыңғай тізіліміне тіркелген, ол мүлкін тәркілеп немесе тәркілемей жеті жылдан он екі жылға дейінгі мерзімге бас бостандығынан айыру түріндегі жазаны қарастырады», — деп хабарлады ІІМ.Еске салайық, Kaspi.kz-тің Астанадағы бөлімшесінде ер адам бірнеше тұрғынды кепілге алған болатын.

Семейде жол ережесін 32 рет бұзған жүргізуші анықталды, — деп хабарлайды Arnapress.kz тілшісі Tengrinews.kz сілтеме жасап.Айыппұл сомасы 1 225 750 теңге болады. 15 маусымда жедел-іздестіру шараларының нәтижесінде табылған. Семей қаласы полиция басқармасының патрульдік полиция батальоны мен әкімшілік полиция бөлімінің қызметкерлері «Субару» маркалы автокөлігін тауып, оның жүргізушісі ҚР ЖҚЕ мен Заңын бірнеше рет бұзғанын анықтаған.Қазіргі уақытта автокөлік арнайы айып тұрағына қойылды.Семей полициясы жүргізушілерге еске салады: тағайындалған айыппұл Әкімшілік құқық бұзушылық туралы ҚР Кодексінің 893-бабына сәйкес есептелген сәттен бастап 30 тәуліктен кешіктірілмей төленуге тиіс.

ҚР Премьер-Министрі Әлихан Смайыловтың төрағалығымен өткен Үкімет отырысында күн тәртібінен тыс Абай облысындағы ірі табиғи өрттерге қатысты ахуал қаралды, – деп хабарлайды Arnapress.kz тілшісі премьер-министрдің сайтына сілтеме жасап.Министрлер кабинетінің басшысы өңірде өрт басталғалы оның ауданы тез ұлғайып, бірқатар елді мекенге қауіп төнгенін атап өтті.

Президент Қасым-Жомарт Тоқаев «Семей орманы» табиғи резерватындағы алапат өрт салдарынан қаза тапқан орман шаруашылығы қызметкерлерінің отбасы мүшелері мен жақын туыстарына көңіл айтты, деп хабарлайды Arnapress.kz тілшісі aqorda_resmi каналына сілтеме жасап. – Көңіл айтуға арнайы келіп отырмын. Бұл – бүкіл халқымыз үшін үлкен қасірет.

Жаз мезгілінің аптап ыстығы басталысымен, семейліктер суға шомылуға асық. Алғашы демалыс күндері адамдардың суға батып кете жаздаған екі адам құтқарылды, деп хабарлайды Arnapress.kz тілшісі ТЖД баспасөз қызметіне сілтеме жасап.2023 жылғы 3 маусымда сағат 11:20-да 112 пультіне Солнечная долина алқабында ер адам судан құтқарылды деген хабарлама түсті.«Ақпарат жинау барысында 1978 жылғы ер адам отбасымен Ертіс өзенінің жағалауында демалу кезінде батып бара жатқан адамды көріп, содан кейін дереу көмекке асығып, судан шығарған.

Астанада Оңтүстік Корея сыртқы істер министрі Пак Чжин мен Қазақстанның сыртқы істер министрі Мұрат Нұртілеудің екіжақты келіссөздері өтті, — деп хабарлайды Arnapress.kz тілшісі Tengrinews.kz-ке сілтеме жасап.«Халықтар арасындағы байланыстардың маңыздылығын ескере отырып, министр Пак Чжин екеуміз екі ел азаматтарының еңбек және көші-қон құқықтарын қамтамасыз ету мәселелерін талқыладық. Өз тарапымнан Қазақстан азаматтарының Кореяда заңды жұмысқа орналасуын қамтамасыз ету, әсіресе Қазақстанды «Кореяның» жұмысқа рұқсат беру жүйесіне қосу біздің еліміз үшін өте маңызды екеніне назар аудардым», — деді Мұрат Нұртілеу брифинг барысында.Еске салайық, Оңтүстік Корея сыртқы істер министрі Пак Чжиннің Қазақстанға ресми сапары 30 мамыр мен 1 маусым аралығында жалғасады.Сурет: Tengrinews.kz

31 мамыр — Саяси қуғын-сүргін және ашаршылық құрбандарын еске алу күні. 2003 жылдан бастап Қазақстандағы саяси қуғын-сүргін құрбандарына біржолғы ақшалай өтемақы және арнайы мемлекеттік жәрдемақы ретінде 18,4 миллиард теңге төленді. Биыл бұл мақсатқа 1,3 миллиард теңгеден аса қаражат қарастырылған, — деп хабарлайды Arnapress.kz тілшісі Tengrinews.kz-ке сілтеме жасап.Еңбек министрлігі мәліметінше, қолданыстағы заңнамаға сәйкес саяси қуғын-сүргін құрбандарына және саяси қуғын-сүргіннен зардап шеккен деп танылған азаматтарға 2003 жылдан бастап біржолғы ақшалай өтемақы төленеді.«2003-2022 жылдар аралығында республикалық бюджеттен 2,9 миллиард теңге сомасында біржолғы ақшалай өтемақы төленді. Өтемақы мөлшері 2 588 теңге мен (3/4 АЕК) 345 000 теңге (100 АЕК) аралығында.

Шымкентте сот нақты уақыт режимінде интернет арқылы порнография таратумен айналысқан трансұлттық ұйымдасқан қылмыстық топты ұйымдастырушыны 12 жылға бас бостандығынан айырды, – деп хабарлайды Arnapress.kz тілшісі Polisia.kz сайтына сілтеме жасап.Еске салайық, 2021 жылдың шілдесінде криминалдық полицияның жедел уәкілдері әлеуметтік желіге жүргізген мониторинг барысында онлайн трансляция жасайтын порностудияны анықтаған болатын.

Зейнеткерлер зейнетақы жинағындағы бүкіл ақшасын емделу мен тұрғын үй сатып алу үшін ала алады, — деп хабарлайды Arnapress.kz тілшісі Tengrinews.kz сайтына сілтеме жасап.Еңбек және халықты әлеуметтік қорғау министрлігінің ақпараты бойынша Әлеуметтік кодекс аясында 1 шілдеден бастап бірыңғай жинақтаушы зейнетақы қорында еңбек өтілі бар зейнеткерлерге жинақталған зейнетақы қаражатын тұрғын үй жағдайын жақсартуға немесе емделуге жұмсау құқығы берілгені хабарланды.«Былтырғы 1 шілдеден бастап еңбек өтілі бойынша зейнеткерлер www.enpf-otbasy.kz интернет-платформасы арқылы біржолғы зейнетақы төлемдерін алу үшін «Отбасы банкі» Тұрғын үй құрылыс жинақ банкі» АҚ немесе екінші деңгейлі банктерге тұрғын үй жағдайын жақсарту үшін жинақталған қаражатқа жүгіне алады.Біржолғы зейнетақы төлемдерін емделуге пайдалану үшін жоғарыда аталған интернет-платформа арқылы «Отбасы банкі» АҚ «Тұрғын үй құрылыс жинақ банкіне» ғана жүгіну қажет», — делінген хабарламада.Еске салайық, 2021 жылдың 1 қаңтарынан бастап БЖЗҚ азаматтарға жинақталған зейнетақы қаражатының бір бөлігін тұрғын үй жағдайын жақсартуға немесе емделіп, әлеуметтік мақсаттарға пайдалану құқығын берді.Бұл құқықты келесі санаттағылар пайдалана алады:Бұл ереже жұмыс істейтін азаматтарды да, зейнеткерлерді де қамтиды.Сурет: Tengrinews.kz

Үш күн ішінде ШҚО ПД процессингтік орталығына 226 автокөлік иесі конструктор — автокөліктерді заңдастыруға өтінімдермен жүгінген, оның ішінде 29 көлік иесі өз көлік құралдарын сәтті заңдастырды, — деп хабарлайды Arnapress.kz тілшісі ШҚО ПД баспасөз қызметіне сілтеме жасап.Осындай үлгідегі автокөлікті алғашқылардың бірі болып заңдастырған Самар ауданың тұрғыны Хайруллин Рафхат Рашатұлы.«Мен барлық қажетті құжаттарды жинап, заңдастыруға өтініш бердім, өтінішім мақұлданды.

Қазақстандық шахматшы Бибісара Асаубаева Кипрдің астанасы Никосияда өтіп жатқан әйелдер арасындағы ФИДЕ Гран-ари кезеңіндегі екінші жеңісіне қол жеткізді, деп хабарлайды Arnapress.kz тілшісі KAZ.NUR.KZ-ке сілтеме жасап.Отандық спортшы 8-турда Грузия өкілі Белла Хотенашвилимен ойнады. Тартысты ойында Бибісара Асаубаева қарсыласынан басым түсті.

ҚР Премьер-Министрі Әлихан Смайыловтың төрағалығымен өткен Үкімет отырысында күн тәртібінен тыс Абай облысының Бородулиха ауданындағы ірі табиғи өртті жою мәселесі қаралды, деп хабарлайды Arnapress.kz тілшісі primeminister.kz сайтына сілтеме жасап.Өңір әкімі Нұрлан Ұранхаев қазіргі таңда жағдай ерекше бақылауға алынып, өртті сөндіру үшін жедел штаб жұмылдырылғанын хабарлады.

Талдықорған соты пара алды және алаяқтық жасады деп айыпталған Алматы облысы білім басқармасының бір топ қызметкеріне қатысты үкім шығарды, деп хабарлайды Arnapress.kz тілшісі Qaz365.kz-ке сілтеме жасап.Облыстық соттың баспасөз қызметінің ақпараты бойынша, төрт айыпталушыға сот үкімі шығарылған, олардың арасында облыстық білім басқармасының бұрынғы басшысы Майгүл Омарова да бар.

Қаржы мониторингі агенттігі қаржы пирамидасы ретінде әрекет етеді деген күдікке ілінген, сондай-ақ сот үкімі шыққан ұйымдардың кеңейтілген тізімін жариялады, — деп хабарлайды Arnapress.kz тілшісі Tengrinews.kz-ке мәліметіне сілтеме жасап.«Агенттік биыл 22 қаржы пирамидасын анықтаған. Кибербақылау жүйесінде 4000-ға жуық сайттар мен аккаунттар бұғатталды.

Что интересного произошло 19 мая Сегодня день рождения кубика Рубика. Его изобрел венгерский архитектор Эрне Рубик. Уже несколько десятилетий это уникальное изобретение считается любимой игрушкой не только детей, но и взрослых, так как отлично тренирует логику, память и мышление, ведь число его комбинаций превышает 43 квинтиллиона (десять в 18-й степени).В Турции сегодня отмечают День памяти Ататюрка, молодежи и спорта.

18 мамыр күні түскі бірде Шәкәрім даңғылында өрт шықты, — деп хабарлайды Arnapress.kz тілшісі ТЖД баспасөз қызметіне сілтеме жасап.Өрт сөндіру бөлімшелері келген кезде мейрамхана ауласында дизельдік генератордың жанғыш бөлшектері өртеніп, одан әрі шатырдың ағаш құрылымдарына таралғаны анықталды. Өрттің ауданы 24 шаршы метрді құрады.

Шымкентте жылан қаладағы тұрғын үйлерге, тіпті балабақшаларға да өрмелеп кеткен. Мамыр айында тұрғындардың өтініші бойынша құтқарушылар бауырымен жорғалаушыларды ұстауға тоғыз рет шыққан, деп хабарлайды Arnapress.kz тілшісі Zakon.kz-ке сілтеме жасап.Олардың белсенділігі жаз маусымының басталуымен байланысты.

Әлеуметтік желіде Шәкәрім университетінің оқытушылық-профессорлық құрамы мен студенттер жазған бейнеүндеу таралуда, — деп хабарлайды Arnapress.kz тілшісі.Үндеуде университеттің ректоры Бауыржан Ердембековты орнынан босату туралы министрдің бұйрығын қайта қарауды сұрайды. Ұжым бір ауыздар бұйрыққа қарсы екенін айтты.Екі жыл үш ай ішінде, ондаған жылдар бойы атқарылмаған істерді атқарғанын ұжымның көзі көріп отыр.

Полиция белгілі журналистің көлігін өртеп жіберді деген күдіктіні ұстады, — деп хабарлайды Arnapress.kz тілшісі Tengrinews.kz -ке сілтеме жасап.Polisia.kz сайтында шыққан ақпарат бойынша Атырау облысының криминалдық полиция қызметкерлері журналистің көлігін өртеп жіберді деген күдіктіні анықтап, ұстады.«Қазіргі уақытта бұл факт бойынша тергеу жалғасуда», — делінген хабарламада.Еске салайық, 11 мамырға қараған түні журналист Виктор Сутягиннің көлігі өртеніп кеткен болатын.Сурет: Tengrinews.kz

28 мамыр күні «Семей аруы -2023» байқауына іріктеу кезеңі өткізіледі, — деп хабарлайды Arnapress.kz тілшісі.«Қазақстан аруы» республикалық байқауының өңірлік өкілі Асем Садвакасованың айтуынша, іріктеуге қатысқысы келетіндер арнайы бірдей киім киіп келулері қажет. Шарт бойынша бұл қара футболка немесе топ, қара джинсы не болмаса фигура бойынша шалбар және міндетті түрде өкшелі аяқ киім.«Семей аруы -2023» байқауының іріктеу кезеңіне 17 мен 25 жас аралығындағы қыздар қатыса алады. Қойылатын негізгі талаптар: бойы 170-183 см, тұрмысқа шықпаған, сымбатында мін жоқ, ақылына көркі сай болу керек, — дейді Асем Садвакасова.Кастинг 28 мамыр күні сағат 12:00 Семей қалалық мәдениет сарайының 306 кабинетінде өтеді.

Астанада 180 миллион теңгенің зергерлік бұйымдарын тонаған күдіктілер ұсталды, деп хабарлайды Arnapress.kz тілшісі Zakon.kz-ке сілтеме жасап.КПБ қызметкерлері мен Степногорск қаласының ӨҚБ жедел уәкілдері арнайы операция жүргізіп, зергерлік дүкеннің батыл және мұқият жоспарланған тонауын әшкереледі.Еске салайық, 1 мамыр күні белгісіз біреулер жертөлені ойып, дүкенге кіріп, зергерлік бұйымдарды ұрлап кеткен болатын.Аталған факті бойынша ҚР ҚК 188 бабының 4-бөлігі бойынша сотқа дейінгі тергеу басталды.ПД басшылығының нұсқауымен бірнеше жедел топтар құрылып, Ақмола аумағында да, көрші облыстарда да бірқатар жедел-іздестіру шаралары жүргізілді.Сонымен, елордада екі күдікті ұсталды: 1977 және 1988 жылы туған елорда тұрғындары.