Астана халықаралық әуежайы қолайсыз ауа райына байланысты рейстердің кешіктірілуі мүмкін екенін мәлімдеді, деп хабарлайды Arnapress.kz әуежайдың баспасөз қызметіне сілтеме жасап.
Нұрсұлтан Назарбаев атындағы халықаралық әуежайдың хабарлауынша, алдағы тәулікте Қазақстанның бірқатар өңірінде қар жауып, боран соғып, көктайғақ пен тұман күтіледі. Сондай-ақ қатты жел болуы мүмкін. Осыған байланысты әуежайда ұшу кестесіне уақытша өзгерістер енгізілуі ықтимал.
Бүгінге жоспарланған рейстер саны:
• ұшып келетін – 79 рейс,
• ұшып шығатын – 78 рейс.
Қазіргі уақытта:
• 10 рейс кешіктірілген,
• 2 рейс кейінге қалдырылған.
Кідірістің негізгі себебі – ауа райының қолайсыздығы.
Әуежай өкілдері жолаушыларға рейс мәртебесін әуе компанияларынан нақтылап, сондай-ақ www.nn-airport.kz сайтындағы онлайн ақпарат тақтасын қадағалап отыруды ұсынды.
Әуежайдың барлық қызметі күшейтілген режимде жұмыс істеп тұр. Ұшу қауіпсіздігі – басты басымдық. Түсіністік танытқандарыңыз үшін алғыс білдіреміз, — делінген хабарламада.
Фото: жасанды интеллект
По сообщению сайта Arna Press