Абай облысында полиция қызметкерлері вейптерді таратуға бағытталған жасырын онлайн-дүкеннің қызметін тоқтатты, — деп хабарлайды Arnapress.kz тілшісі облыстық ПД баспасөз қызметіне сілтеме жасап.
«Жедел топ қылмыстық топтың ізіне түсті. Іс бойынша үш адам ұсталды: ұйымдастырушы, онлайн-дүкеннің әкімшісі және курьер. Қазіргі уақытта вейптерді заңсыз тарату бойынша тергеу жүріп жатыр. Алдымен курьер ұсталды, 20 жастағы Семей тұрғынынан көлігін тексеру кезінде сату үшін дайын 98 вейп табылды», — деп хабарлады Полиция Департаментінде.
Сонымен қатар, полиция онлайн-дүкен иесінің үйінде тінту жүргізіп, тағы 258 заңсыз тауар тәркіледі. Жалпы партия 350-ден астам вейпті құрады.
Тергеу барысында анықталғандай, жасырын дүкен 2022 жылдың басынан бері жұмыс істеп келген, тіпті электронды тұтыну жүйелерінің (вейптердің) сатылуына тыйым салынғаннан кейін де әрекет еткен.
Бір ғана күнде бұл заңсыз бизнестен табыс 150 000 теңгеден 300 000 теңгеге дейін жеткен.
Сурет: видеодан скриншот
По сообщению сайта Arna Press