Абай облысының білім беру ұйымдарында 2023 жылдың қыркүйек айынан бастап бастауыш сынып оқушылары әлеуметтік жағдайына қарамастан тегін ыстық тамақпен қамтамасыз етіледі, деп хабарлайды Arnapress.kz тілшісі облыстық әкімдіктің баспасөз қызметіне сілтеме жасап.
Қазіргі уақытта дайындық жұмыстары жүргізіліп, ас мәзірі бекітіліп жатыр. Мәзірде құрамында балалардың жасына, физиологиялық қажеттіліктеріне сәйкес келетін тамақ өнімдері болуы тиіс. Сондай-ақ, бастауыш сынып оқушыларымен қатар балабақшадағы көпбалалы отбасынан шыққан 5700 бала тегін тамақтанады, деп айтты Білім басқармасында.
Жұмыс барысын тексеру мақсатында мектептерде Абай облыстық білім басқармасының өкілдері, санитарлық-эпидемиологиялық қызмет өкілдері мен ата-аналар кіретін мониторингтік топ құрылады.
Сурет: ашық дереккөздерден
По сообщению сайта Arna Press