Өмірден өткен музыкант Дархан Жүнісбековтің бітпеген альбомын Ozen лейблі шығарады, — деп хабарлайды Arnapress.kz тілшісі лэйблдың Телеграм-каналына сілтеме жасап.
Darkhan Juzz — жаңа толқынның алғашқы әншілерінің бірі. Ол миллиондаған адамды қазақ музыкасына ғашық етіп, көптеген адам үшін ана тілін үйрене бастауға түрткі болған.
Оның өмірі қыршынынан қиылды, бірақ Дархан көп нәрсені түсініп үлгерген азамат еді. Соңғы кездері ол шынымен бақытты өмір сүріп жатқандай болатын.
«Дарханның альбомы аяқталмай қалды. Біз оны міндетті түрде аяқтап, шығарамыз. Барлық әндерінің құқығын ұлы Ади мен қызы Айданаға мұра ретінде рәсімдейміз. Әр стримиңнен түсетін қаржының 100% отбасына беріледі. Дарханның мұрасын сақтап қалу үшін үлкен жұмыс жасайын деп жатырмыз. Оның әндері шексіз болсын», — деп айтылған жазбада.
Фото: instagram.com/d.juzz
По сообщению сайта Arna Press