Стоковые изображения от Depositphotos
Есірткі заттарын заңсыз сақтаумен айналысқан 37 жастағы Семейдің тұрғыны ұсталды, деп хабарлайды Arnapress.kz тілшісі Семей қаласының ПБ баспасөз қызметіне сілтеме жасап.
Наурыз айының ортасында жедел іс-шараларды өткізу барысында Семей қаласы Полиция басқармасының криминалдық полиция бөлімшесінің қызметкерлері есірткі заттарын заңсыз сақтады деген күдікпен Семей қаласының 37 жастағы тұрғынын анықтады.
Жеке тінту жүргізу барысында қапшықтан қара қоңыр түсті сұйық заты бар шприц табылып, тәркіленді.
«Химиялық-токсикологиялық сараптаманың қорытындысына сәйкес медициналық шприцте алынған сұйықтық есірткі — экстракциялық апиынның ерітіндісі болып табылады. 8,0 мл сұйықтықтағы экстракциялық апиынның құрғақ қалдығының салмағы-0,0768 грамм», деп хабарлады ПБ баспасөз қызметінде.
Күдікті кінәсін мойындады. Сондай-ақ, шприцті өзіне пайдалану үшін алғанын айтты.
Аталған факт бойынша ҚР ҚК — нің 296-бабы 2-бөлігі – Өткізу мақсатынсыз есірткі заттарымен, психотроптық заттармен, олардың аналогтарымен заңсыз жұмыс істеу» бойынша сотқа дейінгі тергеу басталды.
Сурет: Семей қ.ПБ баспасөз қызметі
По сообщению сайта Arna Press