Стоковые изображения от Depositphotos
Мереке құрметіне Абай облысының барлық аудандарында мәдениет мекемелері бірқатар іс – шаралар дайындады. Олардың қатарында концерттер, көрмелер, патриоттық әндердің байқаулары мен шерулері, конкурстар, танымдық шолулар, кездесулер және тағы басқалар, деп хабарлайды Arnapress.kz тілшісі облыстық әкімдіктің баспасөз қызметіне сілтеме жасап.
Семей қаласының тұрғындары мен қонақтары үшін 7 мамырда сағат 11:00-де орталық алаңда Отан қорғаушылар күніне арналған мерекелік концерт өтеді. Мұнда сағат 19:00-де отандық эстрада жұлдыздарының өнерімен жалғасатын патриоттық әндер фестивалі өтеді.
7 мамыр күні Невзоровтар отбасы атындағы облыстық бейнелеу өнері мұражайында жазушы Халық қаһарманы Қасым Қайсенұлының 105 жылдығына арналған «Өткен заман батырлары туралы...» көрмесін тамашалауға болады.
Семей облыстық тарихи-өлкетану мұражайында 7 мамыр Қазақстан Республикасы Қарулы Күштерінің құрылғанына күніне орай «Ашық есік күні» болып жарияланды.
Абай, Бородулиха, Үржар және Аягөз аудандарының мәдениет үйлері мен ауылдық клубтарында мерекелік концерттер өтеді.
Ақсуат тарихи-өлкетану мұражайы келушілерге жас әскерлердің қызметі туралы баяндайтын «Айбын» фотокөрмесін ұйымдастырады. Ауданның орталық алаңында «Елім менің» патриоттық іс-шарасы өтеді.
Ақсуат, Үржар аудандарының орталық кітапханаларында және Абай атындағы облыстық кітапханада 3 мамыр күні таңертең кітап көрмелері, викториналар, ақпараттық сағаттар және әскери-патриоттық эстафеталар өтеді.
4-7 мамыр аралығында Семей орталық кітапханасында және оның филиалдарында «Отанға адалдық – қасиетті борыш» тақырыбындағы патриоттық сағаттар, кездесулер, шолулар өтеді.
5 мамырда Абай атындағы кітапхана «Отаныңды қорғау – сенің» патриоттық сағатына, ал Курчатов қаласының кітапханасы №3514 әскери бөлімінің әскери қызметшілерімен кездесуге шақырады.
5-9 мамыр аралығында Үржар және Көкпекті аудандық кітапханаларда патриоттық тақырыпта шолулар, көрмелер, блицтер, әдеби кештер өткізу жоспарлануда.
Сурет: massaget.kz, Абай облысы әкімдігінің баспасөз қызметі
По сообщению сайта Arna Press