Популярные темы

Медицина қызметкерлері сайлауға қолдау білдірді

Дата: 16 мая 2019 в 12:12 Категория: Соңғы жаңалықтар қазақша


Медицина қызметкерлері сайлауға қолдау білдірді

Nur Otan партиясы облыстық филиалының ғимаратында Ел Президенттігіне үміткер Қасым-Жомарт Тоқаевтың сенімді өкілдері медицина саласының қызметкерлерімен кездесті.  

Облыстық қоғамдық штабтың отырысына республикалық штабтың мүшесі, қоғам қайраткері Елеусін Сағындықов, өңірдегі штабтың мүшелері қатысты.

— Nur Otan партиясының кезектен тыс съезінде Елбасы Нұрсұлтан Назарбаев Қазақстан Республикасының Президенттігіне кандидат ретінде Қасым-Жомарт Тоқаевты ұсынғаны мәлім. Оның негізгі платформасының мақсаты —Тұңғыш Президенттің стратегиялық жоспарын одан әрі жалғастыру, елімізді дамыған 30 елдің қатарына енгізу, сондай-ақ халықтың әл-ауқатын көтеру.

Сайлау — аса маңызды саяси оқиға. Мемлекетіміздің келешегі біздің шешімімізге тікелей байланысты. Сондықтан сіздер дұрыс шешім жасайды деген сенімдеміз, — деді жиында сөз сөйлеген Е.Сағындықов.

Дәрігерлер кезектен тыс президенттік сайлау туралы шешім қабылдау өте маңызды қадам екендігін, сондай-ақ партия съезінің шешімін қолдайтындықтарын жеткізді.

Айта кетейік, Ел Президенттігіне кандидат Қасым-Жомарт Тоқаевқа қолдау көрсету мақсатында құрылған облыстық штаб өз жұмысын 11 мамырдан бастады. Бүгінде Ақтөбе қаласы мен облыс аудандарында жергілікті штабтар құрылып, кездесулер ұйымдастырылып жатыр.

 Ақбота ҚАЛДЫБЕК.

Тэги новости: Соңғы жаңалықтар қазақша
Поделитесь новостью с друзьями