Новости в социальных сетях

Подпишитесь на нашу группу и читайте анонсы самых интересных новостей в любимой соцальной сети

ВКонтакте Одноклассники Facebook Twitter

Гауһар Әлімбекова сотта ақталып шықты

Дата: 11 апреля 2019 в 11:03 Категория: Соңғы жаңалықтар қазақша

Гауһар Әлімбекова сотта ақталып шықты

Алаяқтық ісі бойынша 6 жылға бас бостандығынан айырылған әнші Гауһар Әлімбекова ақталып шықты, — деп хабарлайды Tengrinews.kz тілшісі сот залынан.

Әншінің ісіне қатысты бүгінгі апелляциялық сотта судья ақтау туралы шешім шығарды.

«Әлімбекованың айыбы дәлелденбеді, оның алты жылға берілген шешімі өзгертілсін. Ақталсын», — деді судья.


Гауһар Әлімбекова сот залында. © Tengrinews.kz

Бұған дейін осы істің басты фигуранты Феруза Ордабаева өз кінәсін мойындап, Әлімбекованың қылмысқа қатысы жоқ екенін айтқан болатын. Ал Әлімбекова өзіне жала жабылғанын мәлім еткен.

Еске салайық, елімізге танымал әндердің авторы, әнші Гауһар Әлімбекова 30 қаңтарда алаяқтық үшін 6 жылға бас бостандығынан айырылған болатын. Көп ұзамай, әнші сот шешімі күшіне енгенше қолхатпен босатылған. Кейінірек әншінің адвокаты Жұмағали Зинелов істің мән-жайын айтып берген еді. Адвокат сот үкімімен келіспейтінін және таяу арада апелляциялық сотқа арыз түсіретінін мәлімдеген.

Айта кетейік, әншінің «Ақ келін», «Көктемге хат», «Жас келін», «Қыз сезімі», «Оралшы махаббат», «Ақмаралым» әндері жұртшылыққа кеңінен таралып, танымал болған. Оның әніне жазылған өлеңдерді танымал эстрада жұлдыздары орындаған.

По сообщению сайта TengriNews